COVID-19: Hri vei enkawl dam mi 229 chhuak; enkawl lai mi 3,501 awm mek!

Aizawl | July 6, 2021: Vawiin tlai dar 5 thleng khan Mizoram pum-ah COVID-19 vei enkawlna hmun atangin mi 229 an chhuak.


Heng hri vei enkawl dam chhuak tate hi Aizawl district atangin mi 147, Lawngtlai district atangin 48, Lunglei district atangin 18, Serchhip district atangin 6, Mamit district atangin 6, Kolasib district atangin 2 leh Saitual atangin 2 te an ni.


Heti hian tun dinhmun-ah Mizoram-ah hri vei enkawl lai 3,501 awm mekin, dam tawh mi 18,255 an ni a, hripui vanga nunna chan hi mi 98 an tling tawh a ni.

Hri vei hmuhchhuah tawh zawng zawng hi mi 21,854 niin, heng zinga 12,454 hi mipa an ni a, 9,400 hi hmeichhia an ni thung.

Hri vei tamna ber Aizawl district-ah 2,577 an awm mek a, Kolasib district-in dawtin mi 314 an awm a, Lunglei district-ah 243 awm lehin, Lawngtlai district-ah mi 127 an awm bawk. Siaha district-ah 74, Mamit district-ah 59, Serchhip district-ah 38, Hnahthial district-ah 37, Champhai district-ah 21 bakah Khawzawl district-ah 6 leh Saitual district-ah 5 te an awm mek a ni.

Post a Comment

0 Comments