CCC aṭanga chhuak tawh la positive; Positive tih zep turin hriattir?

Aizawl | July 25, 2021: Thingdawl khuaa Sethawn CCC a hri vei enkawl nimina chhuahtir chu inrinhlelh thu-ah in test lehin a la positive a ni tih hmuhchhuah a ni.

Hemi chungchangah hian Thingdawl Village Level Task Force chairman TC Lalthangzova chuan hemi chungchang hi ziakin thuneitute chu, eng vanga positive an ni tih zep tura hriattir nge an nih tih hrilhfiah turin a ngen.

TC Lalthangzova chuan, "CCC atanga chhuak lo in test leh hi dan kalh a nih na hi kan la chhiar fu ve lovin ka la hre ve hauh lova, min hrilhfiah theih chuan a lawmawm hle ang. Tin, dan kalh a nih chuan, an teat hma in CCC atanga chhuak an nih an sawi lawk tho si lai khan test loh tur tih kha eng vanga hrilh nghal mai lo nge an nih." a ti a.

"Positive midang kai hlauhawm loh tih lai tak hi a proof-na a awm em? Nge ni a, kan veng hi experiment ah min hmang dawn zawk?" tiin, "An positive tih hriat a nih khan eng vanga zep tura hriattir nge an nih?" a ti bawk.

| REVISED DISCHARGE PROTOCOL FOR COVID PATIENTS |

* Hri vei chhuah tir dan tur ennawnna

Link @ https://www.exploremizoram.com/2021/07/revised-discharge-protocol-for-covid.html

CCC ATANGA CHHUAK LA POSITIVE CHUNGCHANG

Lalnunnemi (30) w/o R. Lalremruata Thingdawl Chhimveng, Dt 15.7.2021 a test Positive,  Sethawn CCC a lut chu Dt 24.7.2021 ah Asymptomatic, test not done a chhuah tir an ni a. Amaherawhchu ngaihthatnan tiin District Hospital ah an zuk in test a, a lo la positive ngei a.

Hemi chungchanga hma lak dan tura thuneitute kan han biak rawnna ah, CCC atanga chhuah tir tawh chin chuan midang an kai chhawn theih tawh loh thu leh, ni sarih chhung self monitoring lo tih tir tur a hriattir kan nih bakah, CCC atanga chhuak tawh te mahni duhthu a lo in test chu dan kalh a nih thu kan dawng zui a.

Thuneitu ten min chhan sak tur a kan duh kan hriatthiam loh te chu heng te hi an ni.

1. CCC atanga chhuak lo in test leh hi dan kalh a nih na hi kan la chhiar fu ve lovin ka la hre ve hauh lova, min hrilhfiah theih chuan a lawmawm hle ang. Tin, dan kalh a nih chuan, an teat hma in CCC atanga chhuak an nih an sawi lawk tho si lai khan test loh tur tih kha eng vanga hrilh nghal mai lo nge an nih.

2. Positive midang kai hlauhawm loh tih lai tak hi a proof-na a awm em? Nge ni a, kan veng hi experiment ah min hmang dawn zawk?

3. An positive tih hriat a nih khan eng vanga zep tura hriattir nge an nih?

Hengte hi min hrilhfiah theih chuan kan lawm hle ang. Hmun danga post lovin helai hi a zawhna awm ber ni a kan hriat avangin kan rawn dah a ni e.

TC. Lalthangzova

Chairman

VLTF Thingdawl

24.7.2021