Aizawl | July 8, 2021: Korean Boy Band BTS (Bangtan Sonyeondan) Bangtan Boys tia hriat bawk te ṭantu leh ngaisangtu Mizorama mi (BTS Army Mizoram)te chuan nimin khan BTS Army day pualin Zuangtui-a Thutak Nunpuitu Team-ah ṭanpuina an hlan.
BTS Army Mizoram te'n TNT tana thilpek an hlan hi cheng 40,300 niin BTS ngaisangtu Mizoram chhunga mi bakah mi ṭhahnemngai leh inphalte thawhkhawm a ni.
BTS Army Mizoram hian BTS Army Day July 9 a lo thleng tur pualina ṭanpuina hi an hlan a ni.
Big Hit Entertainment hnauai Kum 2010 a din, 2013 a debut hmasa ber rawn nei BTS te hi Jin, Suga, J-Hope, RM, Jimin, V, leh Jungkook te an ni.
A tir chuan hip hop band anga din ni mahse, an hla leh rimawi hian peng dang dang a tuam tel nasa tawh hle a ni.
An hla te hi mimal leh tualzal nun bakah rilru lam leh tleirawl zirlai lam a hawi nasa hle a ni.
Kum 2020 khan BTS chu South Korea band zinga Billboard Global 200 leh US Billboard Hot 100-ah numbr one ni thei hmasa ber a ni.
Post a Comment
He post chungchanga i ngaihdan lo sawi ve rawh: