Aizawl | July 20, 2021: Mizoram Baptist Kohhranin Baptist Covid Care Centre (BCCC) din tura a ruahman chu July 28 hian hawn a ni dawn ta.
BCCC tur hi BCM Relief & Development department office awmna thin, Ramzotlang, Serkawnah buatsaih niin July 28-a hawn hman tum a nih thu dawn a ni.
BCM Administrative Committee-in Covid Hospital buatsaih ni se ti a July 1, 2021-a a rel chu a tul anga bawhzui zelin Sub-Committee tum hnih lai thukhawm in ruahmanna pawh engemawchen siamfel a ni ta a. A hming atan hian ‘Baptist Covid Care Centre (BCCC) tih a ni.
Baptist Covid Care Centre (BCCC) awmna hmun tur hi R&D office awmna thin Ramzotlang a ni ang a, tunah hian buatsaih mek a ni. Baptist Covid Care Centre din tur hian sawrkar lam atang pawhin phalna hmuh fel tawh a ni.
Ruahman ang chuan, BCM hnuaia thawklai doctor, nurse, technician leh thawktu dang ten a hmunah an awm chilh ang a, tun dinhmunah chutianga thawk thei tur doctor, nurse leh staff dang engemawzat an inpe tawh niin BCM general secretary Rev F Ramdinmawia chuan hriattirna tichhuakin a tarlang.
He BCCC hi Covid hripui in min nuai chhung atan chauh ruahman a ni a. BCCC dinna tur hian kohhranin a dil leh beisei hauh lovin, a pawimawhna leh tulna hria kohhran-a pawl (Fellowship Department) leh mi mal thanemngai te atangin sum engemawzat an dawng a. A hmunhma buatsaih hna ngawrh taka kalpui mek niin, July 28, 2021 (Nilaini) a hawn beisei a ni.
H R I A T T I R N A
BCM Administrative Committee-in Covid Hospital buatsaih ni se ti a July 1, 2021-a a rel chu a tul anga bawhzui zelin Sub-Committee tum hnih lai thukhawm in ruahmanna pawh engemawchen siamfel a ni ta a. A hming atan hian ‘Baptist Covid Care Centre (BCCC) tih a ni.
A awmna hmun tur hi R&D office awmna thin Ramzotlanga a ni ang a, tunah hian buatsaih mek a ni. Baptist Covid Care Centre din tur hian sawrkar lam atang pawhin phalna hmuh fel tawh a ni a, BCM hnuai a thawklai doctor, nurse, technician leh thawktu dang ten a hmunah an awm chilh ang a, tun dinhmunah chutianga thawk thei tur doctor, nurse leh staff dang engemawzat an inpe tawh a, a lawmawm hle. He BCCC hi Covid hripui in min nuai chhung atan chauh ruahman a ni.
BCCC dinna tur hian kohhranin a dil leh beisei hauh lovin, a pawimawhna leh tulna hria kohhran-a pawl (Fellowship Department) leh mi mal thanemngai te atangin sum engemawzat dawn a ni a, a lawmawm takzet a ni.
A hmunhma buatsaih hna ngawrh taka kalpui mek niin, July 28, 2021 (Nilaini) a hawn hawn beisei a ni.
Kohhrante tawiawmna leh tawngtaipuina kan ngen e.
Sd/-
Rev. F. Ramdinmawia
General Secretary,
Baptist Church of Mizoram
Dated: 20th July 2021
Post a Comment
He post chungchanga i ngaihdan lo sawi ve rawh: