Aizawl khawpui zan pawnchhuah khap

Aizawl | July 18, 2021: Hripui leng mek COVID-19 laka mipuite him zel theih nana Aizawl bawrhsap chuan nimin khan thuchhuah siamin, Aizawl khawpui huamchungah zan pawnchhuauh khapna thu a chhuah.


He thupek hian thu chhuah a nih atanga thu leh awm hma chu thla hnih chhung a huam ang a, zan tin dar 7:00PM atanga a tuk zing dar 4:00AM thleng pawn chhuah a khap a ni.

Aizawl bawrhsap hian Section 144 CrPC (Act No. 2 of 1974) in thuneihna a pek angin pawnchhuah khapna hi a chhuah a ni.


He thupekin a huam loh turte:
  • State Level Task Force on COVID-19 Member-te
  • District Level Task Force on COVID-19 Member-te
  • Local/ Village Task Force on COVID-19 Member-te an duty na avanga chhuah ngaite
  • Army, BSF, CRPF, Assam Rifles, BRTF leh GREF workers dute te
  • Magistrate leh Police duty leh Home Guard duty
  • Hospital a thawk Doctor, Nurse leh thawktu dang night & emergency duty te
  • Chanchinbumi leh electronic media a thawktu zawng zawng DDK leh AIR tiamin 
  • COVID-19 kaihhnawiha Health Department Officer leh thawktu dangte night & emergency duty te
  • Fire & Emergency Services night & emergency duty te
  • Power and Electricity Deptt. Enforcement duty te
  • Prison duty te
  • Excise and Narcotics Deptt. Enforcement duty te
  • Medical emergency leh damlohna thil leh chhiat tawh thila veng danga kal ngai, an veng VLTF/LLTF te lehkha keng
  • Private Security Service duty te
  • Essential commodity phur leh Home Department atanga phalna neite
  • Disaster Management buaipuitu Official te
  • Customs Division hnuaia thawkte
  • FCS & CA Department in PDS Items sem tura phalna a pek,’PDS’ Sticker belt e
  • PHE Department official duty te
  • I & PR Department official duty te
  • Kohhran Hruaitu Kohhran serh leh sang pawimawha chhuakte
  • AH & Veterinary Deptt-a Vawk hrileng (African Swine Fever) buaipuitute
  • AH & Vety Slaughter House
  • OSC
  • Telecommunication & Internet Service Providers zan lam duty tura ruat te
  • Filling Station/Petrol Pump-a zan lam duty ruatte
  • District Magistrate leh Sub-Divisional Magistrate in phalna a pek te bakah District Magistrate in COVID-19 dona atana duty tura a ruatte

Heng exempted category in a huam te hian exempted an nihna chhan ID emaw zan duty tura ruat an nihna Detailment order hi Police duty te endik theih turin an keng tel ngei tur a ni.

Post a Comment

0 Comments