Aizawl | June 15, 2021: Young Mizo Association (YMA) dincham vawi 86 pualin vawiin khan Republic vengthlangah Remote Control (RC) Plane thawh tir a ni.
 |
| Thlawhna | C Hriata |
He thlawhna hi YMA flag rawng angin chei a ni a, tlai dar thum vel khan YMA Day pualin thlawhtir a ni.
Nikum pawh khan Republic vengthlang chungah hian thlawhna hi lo thlawhtir tawh niin mipuiin an ngaihlu hle a, vawiin pawh khan a en tur hian mi tam an mahni in chung zawlah an lawn/chhuak nasa hle a ni.
YT Link: https://youtu.be/bJmvNEUCbOc
Thlawhna hi republic vengthlang tlangval Lallawmsanga (Lsa) in khalhin a thunun a, ani hi drone camera hmanga thlala thiam a ni a, drone racer thununa hriat hlawh a ni. Tin, Remote hmanga thunun theih thlawhna hi Upper Republic venga Pu Sangtea siam leh a ta niin, Ft ruk vela sei niin thudawnna chuan a tarlang.
Zoram pum leh YMA dinna hmun hrang hrangah YMA Day hi a remchan dan anga hman a ni.
2020 a thlawhtir tawhna news : https://www.exploremizoram.com/2020/06/yma-flag-tlawh-tir-mipuiin-hlut.html?m=1
Post a Comment
He post chungchanga i ngaihdan lo sawi ve rawh: