Truck khalhtute tan ei leh in tur sem

Aizawl | June 4, 2021: YMA Bazarveng branch, Lunglei Zampuimanga Section chuan State Highway ATL Road, Lunglei – Thenzawl zawha an veng paltlang truck driver leh handleman te tan a thlawnin ei tur leh tui in tur an sem.

Trucker tam zawk hi hnam dang an nih thin avangin an ei duh zawng tur Biryani siamsak an ni a, Mineral Water (bottle) pek zel an ni bawk. Rokhawlhna dang a awm a nih loh chuan June 3-5, 2021, ni 3 chhung hetiang hian trucker te tan tlai dar 5 atangin ei tur leh in tur pek thin a ni ang.
Z-Section hruaitute chuan tunlai hrileng mek leh total lockdown kalpui mekah mipui mamawh phurtu trucker te kawng laka an din a remchan loh avangin ei leh in chungchangah harsatna an tawk thei tih hriain hma an la ta tih an sawi.

Tlawmngai pawl YMA aiawh te hi fimkhur taka chein driver te ei tur leh in tur petute hian hri laka kan him theih na’na dan zamte tha taka zawm chungin tanpuina hna an thawk a, an senso hi Pholeng (YouTube Channel) chuan an tum thung a ni.

- Source: Facebook

Post a Comment

0 Comments