THIL ROPUI TI TURIN PATHIANAH INNGHAT RAWH

THIL ROPUI TI TURIN PATHIANAH INNGHAT RAWH

- Rick Warren

- 29 June, 2021

Tin, Isuan anni chu a en a, an hnênah, “Chu chu mihring tân tihrual a ni lo va; Pathian nên erawh chuan engkim tih theih a ni,” a ti a. Matthaia 19:26

Pathian nên chuan engkim tih theih a ni.

Isuan anni chu a en a, an hnenah, “Chu chu mihring tân tihrual a ni lo va; Pathian nên erawh chuan engkim tih theih a ni,” a ti a. Matthaia 19:26

Engvangin nge Saddleback Kohhran khan ruahmanna lian tak a siam? Engin nge min mawlha chu ruahmanna panga khawvela lian ber chu Kohhran dang sang emaw zat te pawhin an entawn tura hma kan lâk theih zawk? A chhanna chu Pathian ropui tak kan nei tih hi.

Mite chuan, “Tunge ni a i in ngaih?” tiin min zawt ṭhin, chu chu zawhna dik lo a ni. Zawhna dik chu, “Pathian chu tunge ni a kan ngaih?” Ka Pathianin engkim a ti thei.

Isuan, “In rin angin in chungah thleng rawh se,” a ti a. Matthaia 9:29.

Pathianin a hmang duh che a. Malsawm che a duh a. I nunah khan thil ropui tak tih a duh a ni. Khawvel tidanglam turin a duh che a. Mahse amahah chuan innghat turin a duh che a, a nghak mêk che a ni.  

Hetianga sawi hi ching tawh lo la, “Ka thei lo.” “He inneihna hi ka kalpui zel thei lo.” “Pathianin ti tura min duh hi ka ti thei lo.” “Midang lam deuh chu ka mil thei lo.” Khang te kha dâwt vek a ni! Pathian nên chuan engkim tih theih a ni.

Ephesi 3:20-21 ah heti hian kan hmu, “Tichuan, keimahnia thawk ṭhîn thiltihtheihna ang zêlin, kan dîl leh kan ngaihtuah zawng zawng aia nasa zâwk ti theitu hnênah ngei chuan, chatuanin, chhuan zawng zawng thlengin, kohhranah leh Krista Isuaah chuan ropuina awm rawh se. Amen.”

Chumi avangin hemi thuziak kaltlang hian ka nawr fo thin che a ni. A chhan chu nangmahah khan i ngaihtuah phak bâk kha theihna a awm tih ka hriat vang a ni, Pathian chuan a hmang duh che a, chuti chuan i rinna ang zelin i ti thei ang.

I rinnaa hmelma lian ber i hria em le? Midang an ni lova. Sawiseltu te hi an ni lo. Misual te pawh an ni hek lo. I rin lohna ngei kha a ni e. 

Duhthlan tur i nei ta. Pathian rin emaw rin loh emaw i thlang thei a. Pathian a innghah emaw innghah loh emaw chu i thlang thei bawk. Thil tam tak hi i thunun angai kher lo. Mahse, Pathian rin chu i thlang thei a ni. Pathianin i nunah thil lian tham rawn ti se i duh em? Anih chuan rinna in ṭan rawh le.  

Han ngaihtuah la

Mi tu emaw rinna avanga Pathian thil tih ropui i hmuh kha engtik nge le?

Eng kawngah te nge Pathian rin mai chu awlsam i tih a? Eng kawngah te nge Pathiana innghah chu harsa i tih?

Pathianin thil ropui tak ti turin a hman theih che i in ring em? Evangin nge? Engvangin nge a hman loh bik ang che? 

Lettu: Sangpuia