Taitesena Group YMA-in Aizawl veng hnih leh ZMC-ah chawhmeh leh thlai thahnem tak pe!


Aizawl | June 3, 2021: Taitesena Group YMA chuan vawiin khan Aizawl veng hnih leh ZMC-ah chawhmeh  pe turin  pickup trip 10 an pe.


Taitesena group YMA in chawhmeh an pekte hi Aizawl-a hripui vei tamna veng pahnih Chhinga veng leh Saron veng niin,  Chhinga veng mipui tan pikup trip li (4) leh Saron veng mipui tan pikup trip 4 bakah ZMC ah pick up trip 2 an pe bawk a ni.


Taitesena group YMA huamchhungah hian Serhmun W, Bunghmun, kawrtethawveng, Tuidam, Nalzawl, Kawrthah, Rengdil, zamuang, Hriphaw, Chuhvel, saikhawthlir leh Darlak  te an tel a, chawhmeh an neih ang a ngte lamkhawmin Aizawl  chawhmeh  pe turin  pick up trip 10 leh Scorpio pakhatin nizan khan Aizawl an rawn pan a ni.

Saron veng bik hi Taitesena Group YMA bakah hian Buhchangphai Hall Veng YMA leh Tv. Lalhlimawma, Saron Veng, tuna Zawlnuama awm mekte chuan chawhmeh an pe bawk a ni.


Saron veng LLTF member secretary Lalrintluanga chuan,"Vawiin hian Taitesena Group YMA, Buhchangphai Hall Veng YMA leh Tv. Lalhlimawma, Saron Veng, tuna Zawlnuama awm mekte hnen atangin khawtlang tan chawhmeh thahnem tak min pe." a ti a, "Kan harsatna leh manganna hria a min tanpui tura ke pen chhuak zawng zawngte chungah Saron Veng khawtlang aiahin lawmthu kan sawi e.
Lalpan Malsawmna tam takin vut theuh che u rawh se." tiin lawmthu a sawi  a ni.


Chhinga veng LLTF member secretary PC Lallawmzuala chuan, "Chhinga Veng khawtlang chuan hetiang ang duhsakna kan dawng hi thinlung takin lawmthu kan sawi a, sum a chan tir tur ni se tam tak tur a ni, an lakkhawm dan tur leh a dah khawm na a an hahpui tur zia kan ngaihtuah hian a hlutna hi a va sang em, Pathian in a let tam takin malsawm let se tih hi kan ṭawngṭaina a ni. Kan lawm e tih bak sawi theih kan nei lo a ni e." tiin lawmthu a sawi bawk.


Chawhmeh leh thlai chi hrang hrang an pekte hi chi 50 chuang niin; Anhling, Phuihnam, Maian, Maipawl, Mai, Alu, Purun sen, Saisu, Rawtuai, Chakawk, Changkha hnah, Ankhapui, Sihneh, Anthur, Tawkte, Bawkbawn, Hmarchate, Aiduria, Maitamtawk, Berul, Thingthupui, Telhawngzik, Hmarcha, Theihai, Nimbu, Sawhthing, Ṭawkpui, Ṭawkte, Changkha, Nimpata hnah, Samtawk, Oilpalm zik, Thangṭungzik, Chengkawl, Behlawi rep, Tumbu, Dawlrep, Anthur rep, Bete, Khanghu, Saisu, Changkhen, Zawngṭah mu, Kuhva rah, Ankasapui, Fanghma, Bakkhate, Tuipui zamzo, Bal, Dawlzik leh a dangte a ni.

Saron veng lam thlalak:

























Chhinga veng lam thlalak:


















Post a Comment

0 Comments