Sawrkarin Khelo India State Centre of Excellence-a thawk tur mi 10 la; Boxing Head coach atana lak Sete Renthlei-in lawmpuitu ngah

Aizawl | June 8, 2021: Mizoram sawrkar hnuaia Sports and Youth services chuan vawiin khan Khelo India State Centre of Excellence, RG Stadium, Mualpui, Aizawl a thawk tur contract-in mi 10 a la.

Heng thawktu lak zingah hian Boxing Head coach atana lak zingah hian Boxing tana mi hlu, Stete Boxing Academy neitu R Lalchhuanawma (Setea Renthlei) chuan lawmpuitu leh phu titu a ngah hle.

Thawktu lak tharte hi Uping Professional - Vanlalhruaia Sailo, S/o Lalbiaksanga Sailo, Tlangnuam Aizawl, Strength & Conditioning Expert - Vanlalhruaii D/o H Lalramliana Venhglui Aizawl, Nutritionist - R Zorinsangi D/o R Laltanpuia (L) Melriat, Physiotherapist Grade II - Angie Lalnunpuii, D/o Lalthenlova, Republic venghlun, Physiotherapist Grade I - Amy Lalengvari, D/o Laltanpuia varte, Chawlhhmun, Head coach (boxing) - R Lalchhuanawma S/o R Lalhmingliana, Mission vengthlang, Head coach (Weighlifting) - Malsawma Khiangte s/o Lalhuma Bethlehem veng, Head coach (Judo) - Varrozami d/o Ralkapzauvi, Peter street khatla, Masseur/Masseuse - Malsawmtluangi Ralte D/o Lalnunmawia Ralte Republic Aizawl leh Lalkhawngaihi D/o Laldela Mission veng te an ni.

Boxing Head coach atana lak Sete Boxing academy neitu, Boxer-te hmakhaw ngaia a hun tam tak hlantu Sete Renthlei hi lawmpuitu an tam hle a. Boxer bakah Sport lama tuimi tam takin an lawmpuina thu status-ah an hmang nasa hle a ni.

"Sports Minister leh Aizawl FC neitupa Pu Robert Romawia Royte -RRRa’n “Boxing Coach hlawhtling - Setea(R.Lalchhuanawma) hi dinhmun pawimawh takah dah a phu a, kan dah dawn a ni” tia Professional Boxing LPS Fight Night zana alo puan tawh angin Khelo India State Centre of Exellence ah Boxing Head Coach atan lak a ni." tiin AFC chuan instagram-ah an post a.

"A hlawh(salary) pawh Rs 1,00,000 - Rs 1,50,000 pm a ni dawn a ni." an ti a,

"Setea hian vawk vulh chungin Mizo Boxers tam tak a chherchhuaka, World Champion hial chherchhuaktu a ni a, hetia dinhmun thaa a ding ve tur hi a lawmpuiawm hle a ni." tiin an lawmpui thu an tarlang.

Aizawl FC Hotupa leh Sports Minister ni bawk hmalaknaa Khelo India State Centre of Exellence Zoramin kan chang ve hi a ropui an tih thu leh India rama 8 chauh din turah Mizoram a tel a, vawiinah Head Coach tur mithiam bik 3 tiamin thawktu 10 lakna order chhuaka thlan zawng zawngte kan lawmpui tak zet a ni, tiin AFC chuan an lawmpuina thu an tichhuak