Oriflame Mizoram-in Hripui vei chaute ei tur Welness Product ZMC-ah an hlan

Aizawl | June 13, 2021: Oriflame Mizoram leader te chuan nimin khan ZMC-ah Hripui vei chaute ei tur Welness Product an hlan.



Oriflame Mizoram leader te chuan ZMC nursing superintendent hnenah an wellness product thahnem tham tak damlo chau te ei atan an donate a, Oriflame Mizoram leader te chuan an wellness product te COVID-19 patient tam takin an lo dampui ani tih hria in COVID-19 avanga harsatna tawk mek te tana malsawmna an lo nih theih nan tiin ZMC ah hian an donate ta a ni.

Oriflame wellness te hi Sweden a scientist rual Proffersor Stig Steen leh a team ten an damlo chau tak tak an enkawl Lung (Heart) leh chuap (Lungs) an thlak sak thin te ei atana an siam chhuah ani a, heng an ei hian an damdawi ei a thawh that bakah an dam chak zawk ani tih an hmuchhuak a, tin, an mahni damlo enkawltu hnathawk hah tak tak te tan pawh a tha hle ani tih an hriat avangin mi tam zawk ei ve theih turin tihian an rawn dahchhuak ta a, Mizoram ah pawh taksa chaklo leh natna hrang hrang nei ten dampui an tam em em tawh a ni.

Oriflame company hi kum 53 a upa ani tawh a, a kum 55na hi Dubai ah leh London ah lawm tumin an in buatsaih mek a, Mizoram ah hian kum 20 chuang an awm tawh a Mizoram a network marketing hlun leh upa ber zinga mi ani mek a ni.
Oriflame Mizoram leader te chuan an product hmang thin tu zawng zawng te hnenah lawmthu an sawi a, an taksa lo in enkawl tha a lo hrisel zel turin duhsakna sang ber an hlan bakah sorkar thuchhuak zawm a sorkar tha ti chaktu ni zel turin an sawm.  


input from David Z Hmar / MSR

Post a Comment

0 Comments