Aizawl | June 22, 2021: Mizo Students' Union (MSU) General.Headquarters, Aizawl chuan nizan khan MSU hming hawha dan phal loh thil phurtute lakah FIR a theh lut.
MSU chuan FIR hi nizan khan Aizawl Police Station-ah an thehlut a ni.
MSU chuan June 21-a Farkawn khawdaia Assam Rifle te'n raltlan tanpuina denchhena dan phal loh thil phurtu an mante chu na taka hrem an nih ngei an phut a. MSU chuan sawrkar phal loh thil phurh hi a duh ngai lova, MSU hming hawha dan phal loh thil phurh chu an ngai thutak hle a ni
Thuhriat danin heng dan phal loh thil phurtute hian khawkar kawng leh duty check post ah zirlai pawlin raltlan tanpuina a pek tur hmalakna anga sawiin dan phal loh thil hi an lo phur nia hriat a ni.
He thil hi Raltlante tanpuina kawnga Mizo mipuite rilru nasa taka hliam theihna thil niin, Zofate theihtawpa inlungrual a ngaih laia kan unaute dinhmun chhiatna remchanga lo la a dan phal loh thil lo phur kualtute hi MSU chuan a dem tak zet a, na taka hrem an nih theih nan a tawp thlengin hma an la dawn niin an pawl thuchhuah chuan an tarlang.
Post a Comment
He post chungchanga i ngaihdan lo sawi ve rawh: