Hripui vangin hmeichhia kum 27 boral; a fa sen kar hnih mi kalsan

Aizawl | June 4, 2021: Vanduaithlak takin Pi B Lallawmzuali (27), Ramhlun South, Aizawl chu zanin June ni 4, dar 9:30pm khan ZMC-ah Covid 19 vangin a boral. 

B Lallawmzuali hi May 19 khan hri a kai tih hriatchhuah niin May 20-ah ZMC ah admit a ni.

Sawrkar thuchhuahin a tarlan danin, May ni 22 khan a naupai tha taka zaichhuah a ni a. 

May ni 30 khan a dinhmun a hniam avangin ICU ah ventilator hmanga enkawl a ni a. Naute erawh a dinhmun a tha.

Thlalak hi Mizoram a ni lo. News tichiang thei tura dah mai a ni

Thudawnnain a tarlan danin, A pasal hi phaiah hna a thawk a. Amah hi nau nei turin darlawn atangin a lo  chhuk a, chuan nau hi 8months na a ni a. Amah covid ta si a, ZMC ah an zaichhuak a. Chuan helama a nu leh pa leh a fate dang pahnih an awm a. A pa chuan a kai a, a fa pakhat zawkin a kai bawk.

naute lainatawm chu

Chuan nau an zaichhuah chu a thiannu in a enkawl sak bawk a. A pasal hi a lo haw a. Ramhlun South veng 4C ah a fa positive chu a awmpui bawk a.

naute leh amah enkawltu Ruatruati

Thla leh a nau nei tura beisei chu an  zai chhuah sak a, naute hi chhuahpui niin, a nu ICU lama a awm tak avangin, naute enkawl tur hian Nl.K.Lalremruati (Ruatruati) D/o Pu K.Kristiana a inpe tawp mai a, a chhuanawm takzet ani. 

B.Lallawmzuali d/o Pu B.Remmawia, ramhlun south A section.

Ramhlun South LLTF chuan vui dan turah a hnuaia mi ang hian thuchhuah an siam:

PI LALLAWMZUALI, KUM 27 w/o PU VANLALHRIATA, A-SECTION VUI DAN TUR

Zanin Dt. 4.6.201 Dar 9:30 khan vanduaithlak takin Pi Lallawmzuali chuan Covid-19 vangin ZMC-ah min boralsan a, Task Force OB meeting thu angin hetiang hian Pi Lallawmzuali hi buaipui a ni ang.

1. Zaninah hian ZMC Morgue House ah dah rih a ni ang a, Naktuk zing Dar 7:00 ah ZMC atangin lak phei a ni ang..

2. YMA Hall-ah naktuk ni 5.6.2021 Dar 11:00 AM ah vuina hun hman a ni ang a, Ramhlun Vengthlang Presbyterian Kohhran in an vui dawn a ni.

- Secretary

Local Level Task Force, Ramhlun South