Hmangaih luat vangin Quarantine Facility-ah!

Aizawl | June 26, 2021: Sihphir venghlun tlangval pakhat chu vawiin khan Hmangaih luat vanga hmangaihna thunun zawh loh vangin Quarantine Facility-ah dahluh a ni!

Sihphir venghlun tlangval kum 20 mi, a hming tarlan loh chuan tukin zing khan a bialnu kum 18 mi Sihphira Hripui vei dahna hmun Multipurpose Indoor Hall-a awm lai rimin, darkar hnih vel a bialnu awmna room-ah hian an inkawm a ni.

Tlangval hian a hmangaih va hmu tur hian tukin zing dar 1 vel khan bang sang takah a lawn liam a.  Tlangval hi a hmangaihna a sang em a, 'Lal hmangaih sanga' te pawh a tih theih awm e.

He an chanchan hi hriatchhuah a ni a, Sihphir Venghlun VLTF chuan tlangval hi Community Quarantine Centre, Govt PS-I ah an dah a. A chhungte pawh home quarantine nghal an ni.

Sihphir venghlun VLTF chuan, 'Hei hi hmangaihna avanga thil thlengah kan ngai mai a. Mahse, heti ang thil hi thleng nawn tawh suh se." tiin thuchhuah an siam.

Sihphir Venghlun VLTF thuchhuahin a tarlan danin, "Sihphir Venghlun (Lal Veng) Tleirawl pakhat (kum 20) chuan Sihphir 4C-a Covid 19 Positive dahna hmun (Multipurpose Indoor Hall)-a enkawl lai chu a room-ah a va rîm a, darkar 2 bâwr vel an inkâwm a ni." a ti a.

[ I chhiar tel duh takin: Sihphir nula hripui kara Vohbik tana Angel nih tling - https://www.exploremizoram.com/2021/05/vohbik-tana-angel-nih-tling-ahmuni.html?m=1 ] 

"Hei hi tûkin dar 1:00 chho vela thil thleng a ni. A nula/imaita (kum 18) va hmu tur hian bang sâng takah a lâwn liam a ni."

"Sihphir VLTF aṭanga report dawn bawh zuina a ni a. A mipa hi Govt. PS-I -ah quarantine nghâl niin, a chhungte hi Home Quarantine an ni bawk. Mipui lam tân chi-aina tur a awm lo a, contact a nei lêm lo e." tiin a tarlang.

He thu hi social media-ah a darh nasa hle a, VLTF thuchhuah pawh WhatsApp group hrang hrangah a darh nasa hle a ni.

Sihphir venghlun Village Level Task Force Astt. secretary i/c information thuchuah:

CQF-AH DAH LUH A NI

(Romantic case)

26.06.2021 (Inrinni)

VLTF, Sihphir Venghlun

°°°°°°°°°°°°°°°°°°°°°°°°°°°

Sihphir Venghlun (Lal Veng) Tleirawl pakhat (kum 20) chuan Sihphir 4C-a Covid 19 Positive dahna hmun (Multipurpose Indoor Hall)-a enkawl lai chu a room-ah a va rîm a, darkar 2 bâwr vel an inkâwm a ni.

Hei hi tûkin dar 1:00 chho vela thil thleng a ni. A nula/imaita (kum 18) va hmu tur hian bang sâng takah a lâwn liam a ni.

Sihphir VLTF aṭanga report dawn bawh zuina a ni a. A mipa hi Govt. PS-I -ah quarantine nghâl niin, a chhungte hi Home Quarantine an ni bawk. Mipui lam tân chi-aina tur a awm lo a, contact a nei lêm lo e.

Hei hi hmangaihna avanga thil thlengah kan ngai mai a. Mahse, heti ang thil hi thleng nawn tawh suh se.

Asst. Secretary

i/c Information

VLTF, Sihphir Venghlun