Election duty haw zinga mi Police hripui vangin boral

Aizawl | June 1, 2021: Vanduaithlak takin Pu R.Lalduhzuala (40), Lungdai chu vawiin 1.6.21 dar 7:20AM khan ZMC ah COVID19 pneumonia vangin a boral. 27.4.21 ah hri a kai tih hriat niin 4.5.21 ah ZMC ah admit a ni a. Amah hi 4th IR mi leh sa, W.Bengal election duty kal, hri kai ta zinga mi a ni.

Amah hi 4th IR Battalion hmun, Rengdila an quarantine laia sample lak a nih avangin ICMR Guidelines angin Mamit District case anga chhinchhiah a ni.


Hripui vanga Mizoram chhunga boral hi mi 41 an tling tawh a, Election kal haw Police boral hi an awm ta nual a ni.


Hriat theih china Mizoram Police election duty-a ram pawna an kal hnua boral tate:
1. Vanduaithlak takin Pu R.Lalduhzuala (40), Lungdai chu 1.6.21 dar 7:20AM khan 1. ZMC ah COVID19 pneumonia vangin a boral. 27.4.21 ah hri a kai tih hriat niin 4.5.21 ah ZMC ah admit a ni a. Amah hi 4th IR mi leh sa, W.Bengal election duty kal, hri kai ta zinga mi a ni.
Amah hi 4th IR Battalion hmun, Rengdila an quarantine laia sample lak a nih avangin ICMR Guidelines angin Mamit District case anga chhinchhiah a ni.
2. Vanduaithlak takin Pu R.Lalrohluna (57), Seling chu 31.05.21 dar 8:30AM khan a boral. 4.5.21 ah Covid-19 positive tih hriat niin 5.5.21 ah ZMC ah admit a ni. Amah hi 4th IR Bn mi leh sa, W.Bengal election duty kal, hri kai ta zinga mi a ni. Zunthlum natna nei sa a ni.
Amah hi 4th IR hmun, Rengdila an quarantine laia sample lak a nih vangin Mamit District case anga chhinchhiah a ni.

3. Vanduaithlak takin Pu Laltlanzova (35) Zotlang, chu 24.05.21 dar 7:25 khan Covid19 Pneumonia vangin ZMC-ah a boral.
May 1 ah hri a kai tih hriatchhuah niin Serchhip CCC atangin 7.5.21 ah ZMC-a sawn a ni. Amah hi W.Bengal-a election duty kal lo haw, positive ta zinga mi a ni.
Amah hi Mizoram Police mi leh sa niin Assam leh West Bengal election duty in a kal a. Zotlang, Aizawla cheng a ni.

4. Bihar Election duty kal lo haw, Thenzawl CCC atanga discharge a nih hnuah vanduaithlak taka November ni 23, 2020-a boral ta Pu R.Hrangthanga thih dan chungchang chu CMO Serchhipin investigation a kalpui a. Ni 22.12.2020 khan COVID19 avanga thia puan a ni ta a ni.

# Inthlan duty haw boral tho April 27 khan a awm a, mahse, ani hi chu hripui vanga boral a ni ve lo.

Assam leh West Bengal inthlan a duty 4th IR police te hruaitu 1st IR driver PC Lalawmpuia (48) chu tukin April 27 dar 3:15 khan an quarantine-na tur Rengdil-ah a boral a, tukin vek khan an khua Kawnpui panpui a ni.

4th IR Bn. hotute hnen aṭanga thudawn danin Lalawmpuia hi driver dangin motor an khalh chhawk laia a lo muhil chu, April 27 zing dar 3:15 a Rengdil an thlenin an kaitho zo ta lova. Covid test nghal a ni a, a negative a, thisen sang a nei niin an sawi.




Thlalak hi Mizoram a ni lo. News tichiang thei tura dah mai a ni

Post a Comment

0 Comments