Aizawl | June 1, 2021: Myanmar Idol 2019 runner-up Benjamin Sum, tuna Luangmual , Aizawla awm mek chu vawiin khan LRM hospital -ah RaGT hmangin Covid-19 a kai tih hmuhchhuah a ni a, mahse, symptom a nei lo.
Thudawnnain a tarlan danin, Zaithiam Benjamin Sum hi zin chhuah tum, symptom engmah nei lo ni mah se, vanduaithlak takin Covid-19 test result certificate lak tumna lamah a lo positive tih hriat a ni.
Hetiang a nih takah chuan a zinkawng pawh chu thulh leh rih a ni a. An zin kawng atan chuan ruahmanna a thara siam that leh a ngai dawn nia hriat a ni bawk.
Aizawl Luangmual LLTF chu May 22 atanga June 1 chhunga Benjamin Sum lo contact emaw thla lo lakpui emaw an awm chuan an hnena in report vat turin hriattirna an chhuah bawk a ni.
Post a Comment
He post chungchanga i ngaihdan lo sawi ve rawh: