COVID-19: hripui vangin hmeichhia pahnih boral; Enkawlna atangin mi 177 chhuak!

Aizawl | June 8, 2021: Vanduaithlak takin Pi Renghnuni (54), ITI Veng, Aizawl chu vawiin June ni 8 chawhnu dar 1 khan COVID-19 vangin ZMC ah a boral. June ni 1 khan hri a kai tih hriatchhuah niin hemi ni vek hian ZMC ah admit a ni a. Amah hi BP sang, zunthlum, thyroid leh kal thalo nei sa a ni.

Vanduaithlak takin Pi Chuangsangluri (71), Bungkawn, Aizawl chu vawiin June ni 8 chawhma dar 10:10 khan COVID-19 vangin ZMC ah a boral. May ni 31 khan hri a kai tih hriatchhuah niin hemi ni vek hian ZMC ah admit a ni.
Amah hi zunthlum natna nei sa a ni.

Vawiin tlai dar 5 thleng khan COVID-19 vei enkawlna hmun atangin mi 177 an chhuak.

Vawiina chhuak ta te hi Kolasib - 51, Serchhip - 35, Lawngtlai - 30, Aizawl - 28, Lunglei - 25, Siaha - 4, Saitual - 3, Mamit - 1 te an ni.

Tun dinhmun-ah hri vei hmuhchhuah tawh zawng zawng hi 13,994 an ni a, dam tawh mi 10,730 niin, enkawl lai mi 3207 leh nunna chan tawh mi 57 an tling tawh a ni.


Representational Pic

Post a Comment

0 Comments