Burma raltlante chhawmdawlna chungchang leh thil pawimawh dang-ah CM leh CYMA hruaitute inkawm

Aizawl | June 15, 2021: Vawiin khan Chief Minister Pu Zoramthanga chuan Central YMA hruaitute a pisa ah kawmin, Myanmar ram atanga raltlante chhawmdawlna pek chungchang leh thu pawimawh dang an thlen te a sawipui.


Myanmar atanga raltlante buaipuia chhawmdawlna pek chungchang CYMA hruaitute hian Chief Minister chu an sawipui a. Volunteer a thil tih vek theih a ni lo tih a hriatpui thu leh, NGO te hmalakna chu fakawm a tih thu Pu Zoramthanga chuan a sawi a; hemi atan hian sawrkarin pawisa a sanction thu leh, a chhuah tep thu hrilh in, theihtawpin sarkarin hma a lak zel tur thu a sawi.

Chief Minister chuan sawrkar laipuiah pawh raltlante tan chenna tur leh ei leh bar a chhawmdawlna tur a ngen tawh thu leh, nasa taka nawr zui zel a ni tur thu a sawi bawk.

Vawiin hian ruihhlo do kawnga sawrkar leh YMA thawhhona chungchang sawi a ni bawk a. Chief Minister chuan thawhhona tha tak neih a, chak zawka hmalak chu tha tiin, COVID-19 hrilengin zia lam a pan hunah committee pui din a theihtawp a hma lak tha a tih thu a sawi a ni. 

Post a Comment

0 Comments