World bank road-a bike leh truck insu-ah tlangval pakhat boral

Aizawl | May 22, 2021: Tukin zing dar 6:10 vel-a Falkland veng world bank road-a Bike leh truck insu-ah tlangval pakhat a boral.


.
Mita hmutu ten an sawi danin, tlangval tleirawl rual bike-a tlan zinga pakhat chu chesualin a hmunah ka chhawn lohin a boral. 

Tukin zing dar 6:10 vel khan boral ta tlangval Reuben Lalenkawla (24) s/o Lalnuntluanga (L) Chaltlang Dingdi veng leh a thiante chu Falkland world bank road-ah Chite lei lam atangin bike in an tlan a, Falkland biakin an pel chho chu chhak lam atanga Tipper (Truck) rawn chhuk thla nen an insu ta a, Reuben-a hi a hmunah ka chhawn lohin a boral ta a ni.

Reuben Lalenkawla ruang hi postmortem tih turin Aizawl Civil Hospital lamah lak nghal niin, vawiin khan vuiliam a ni.


Post a Comment

0 Comments