Vaimim chingtute hriattur Lunglei DAO thuchhuah

Aizawl | May 21, 2021: Lunglei District Agriculture Officer (DAO) C Malsawmkima chuan Fall Army Worm Chungchanga Vaimim Chingtute hriattur thuchhuah dated 20th May 2021 a ti chhuak a ni.


Kumin hian Agriculture Department chuan Mizoram chhung District tinah VAIMIM thar chhuak tam turin hma an la mek a.
Hemi atan hian VAIMIM chi(var Suraj-251) Quintal 213 chu loneitu 3550 te hnenah semchhuah a ni tawh.
Heng vaimim te hi April thlaah tuhin tunah hian a to chho mek a, a to hlim zik thenkhatah eichhetu (Fall Army Worm) hmuh a ni.
Fall Army Worm(FAW) hi kum hmasa lamah pawh nasa takin a puang a, theih tawp chhuahin a ven hna kan thawk a, hloh(loss) nasa lutuk lovin VAIMIM kan thar thei a nih kha.

Kuminah pawh hian a rawn inlar tan leh avangin Loneitu Vaimim ching zawng zawng ten ngun taka eichhetu pangang awm leh awm loh thlir reng tur a ni. A zikah chhungrilah te a tawm thin avangin chik taka thlithlai thin tur a ni.

A inthlahpun tam hmaa kan hriat chuan tihrem a awl a, a tam tawh hnuah ven sen anih thin loh avangin thlai tan chhiatna nasa tak a thlen thei tih hriat a tha.
Hetiang VAIMIM eichhetu pangang hmu chuan Agriculture Department ah thlen vat turin kan in ngen e.
A ven dan, damdawi leh mamawh te District Agriculture Office ah lam theih reng a ni.
Rim taka I thawhrah te a riral mai loh nan i thlai te lo veng ngun ang che.

Post a Comment

He post chungchanga i ngaihdan lo sawi ve rawh:

Previous Post Next Post