Tuichang humhim turin Hnahthial thalai che chhuak; Save Tuichang Movement-in mipui thlawp a hlawh!

Aizawl | May 11, 2021: Hnahthial Joint Students' Action Committee on Save Tuichang (MZP, MSU, AHSU) leh Hnahthial Ṭhalai Pawl tangkawp chuan nimin atang khan Hnahthial district-a luang Tuichang humhim a, humhalh turin Save Tuichang Movement an kalpui tan.


Hnahthial hma lam hun  atan thalai te an che chhuak a, nizan khan Mi 20 velin Peaceful protest neiin, Nimin lama department-in NOC a pek chhuah chu hnuhlet (cancel) a nih theih nan Tuichang kamah Sit In Demonstration /Peaceful agitation an nei.

He an thiltih hi NOC hnuhlet a nih hma chu kalpui an tum niin thudawnna chuan a tarlang a, vawiin-ah pawh Tuichang kamah lungawi lohna an lantir leh dawn a ni.


Geology And Mineral Resources Department-in ABCI Infrastructure Pvt. Ltd. te hnenah Tuichang Ṭiau lak phalna a pek avangin Hnahthial Joint Students' Action Committee on Save Tuichang leh Hnahthial ṭhalai pawl chuan nizan atang khan Sit in Protest an nei.


SAVE TUICHANG MOVEMENT RESOLUTION
1. Dt 10th May 2021 a Geology And Mineral Resources Department-in ABCI Infrastructure Pvt. Ltd. te hnenah Tuichang Ṭiau lak phalna a pe leh mai hi kan hrethiam lova. A tira ka ngennate Director-in min pawm sakin, hun rei tak Permission pawh a pe chhuak duh tawh lova. Ngaihngam taka kan awm hnua Permission a rawn chhuak leh mai hi a tawp thlengin kan dodal dawn a ni.
2. Tunah hian Tuichang ti chereu tura hnathawh phalna nei an awm miau avangin Save Tuichang Movement leh Hnahthial Ṭhalai Pawl te chuan Tuichang hi kan chhuahsan ngam tawh lova. Tuichang ah hian ABCI hnathawk tur dang turin kan riah chilh dawn a ni. Kan hmalaknain awmzia a awm dawn lo anih chuan kan awm zel dan tur chu rel ṭhat leh a ni ang.
3. Vawiin Dt 10th May 2021 tlai  Dar 5 aṭang hian Hnahthial khaw mi leh Tuichang venhimna atana tha thawh duh apiang chu Tuichang (Ngharawh Kai) ah min rawn zawm turin kan sawm che u a ni.

Issued by:
Hnahthial Joint Students' Action Committee(On Save Tuichang) & Hnahthial Ṭhalai Pawl

THALAK DANG:


















Post a Comment

0 Comments