Truck khalhtute leh Zikpuii Pachuau-in Burma raltlan tuamhlawmtute tanpui

Aizawl | May 18, 2021: Nimin khan Government Complex Veng Truck hmanga eizawngtuten an nikhat tlanna atanga an remchan ang an thawhkhawm chu Burma raltlan (Burma refugee) mi 15(naupang 6 tiamin) lo tuamhlawm tu te kutah Zikpuii Pachuau-in a hlan a, Truck driverte thawh bakah hian amah Zikpui hian a thawh belh bawk a ni. Truck khalhtu te thilphalna hi ropui ka ti takzet.


Tanpuina sum hlantu Chuauzikpuii hi AMC Ward X councillor ni mekin, a bial mipuite tan thlamuantu leh innghahna tlak a tling hle a ni.

Zikpuii Pachuau chuan hemi chungchang hi nimin khan Instagram-ah a post, "Vawiin hian Government Complex Veng Truck hmanga eizawng tu ten an nikhat tlanna atanga an remchan ang an thawhkhawm ka lo thawh belh pui ve chu Burma raltlan (Burma refugee) mi 15(naupang 6 tiamin) lo tuamhlawm tu te kutah lawm takin ka hlan a, Truck khalhtu te thilphalna hi ropui ka ti takzet a ni.
Vawiina kan kalna ah hian naupang 6 lai an awm avangin “Nu” ka nih na angin he lockdown boruak ah hian naupangte chhunah an chhuak thei bawk silo an ril a tram fo thin zia hrechiangtu ka ni a, refugee naupang te chhun a an lo ei ve thin tur biscuit engemaw zat kan ken tel sak a, an ni chauh nilo veng hrang hranga chhuanchham chhungkua kan neih zingah hian naupang engemaw zat an awm ve hlawm a, puitling mah chhuna kan ril a tram fo chuan chung naupang te chu an ril a tram zin tur zia han ngihtuah hian an eitur engemaw tal kan pek ve theih nan he post chhiartu zawng zawng te thinlung ah Pathianin hna thawk se ka va ti em..🙏🏼"


Post a Comment

0 Comments