(Rev. Lalhmingchhuanga Zongte pualin)
- Vanlalthansanga
Kan hotupa Sir Hminga hian kum khat bak BD kan zir chhung khan min zirtir hman lo, DTh zirturin an chhungin Kerela lamah min liamsan thuai vang a ni. Sir Hminga kan tih mai Rev. Lalhmingchhuanga Zongte hi Mizotawng dika sawi leh ziak duh mi a nih avangin a hnam hmingah pawh hian Jongte inti duh lovin Zongte a inti deuh kher thin a ni. Kum khat chhung chauh a zirtirna hnuaiah awm mah ila a rilru puthmang, Mizoram a veidan leh dikna a duh zia leh eirukna a duhloh zia kan hre thei a ni. Kan second year kumah chuan Dth zir turin a kal a, a kal hma in “Eng nge DTh i zir tum chhan?” kan tih khan a chhana Senate (Serampore College) administration diklo hi challenge turin ka zir dawn, DTh kan nih loh chuan aw (voice) kan nei tak tak theilo atih thu ka hriat te khan ngaihsanawm kan ti em em a ni.
A zirtirte kha nuam kan ti thei em em a, teaching hrim hrim kha a tui em em reng a ni. Understanding Indian Society kha first year ah kan zira. Ka la hriatchian em em chu. Hindutva a hrihfiahna kha ani. “Hindutva awmzia chu Hinduness hi a ni mai” a ti a khatih hunlai kha chuan a chiang riau asin. Zirlai mai piah lamah a sermon leh a thil thlirdan hrim hrim hi mi pangngai ina an hmuh loh leh an thlir phak loh te a lo thlir thiam bik a ni. Incheina chungchang a sawi te kha Pastor emaw Rawngbawltu emaw ina Kawrchung haktur emaw kan ti nghal ringawt te hi sapho tihdan kan entawn anih zia a sawi te leh thil dang a sawi tam tak te pawh vai rama ka awm ve hnu hian hriatthiampuiin ka in hre thin.
Sir...
Thlamuang takin i chawl ta maw
He lei hringchan chhung hi chuan
Inhmu tawh dawn lo mah ila
Kan tum van nuam ah khian
Kan inhmu leh ngei ang
Nang chu thlamuang takin
Chawl nang che
He leia i rawngbawlna
Leh i hnathawhte hi
Hriatreng a ni tawh ang
 |
| - Vanlalthansanga |
Rev Lalhmingchhuanga Zongte ngainatute ngenna avangin a pualin a lehkhabu hming chawiin huang/column siam a ni a, Rev Lalhmingchhuanga Zongte uina thu thawh duh tan admin@exploremizoram.com ah thawn theih reng a ni.
Post a Comment
He post chungchanga i ngaihdan lo sawi ve rawh: