Saipum mipuiin Electric veng leh Saron veng mipui tan chawhmeh hlan!

Aizawl | May 26, 2021: Saipum khua chuan VC leh khaw chhunga pawl hrang hrangte nena an lo rel tawh angin tukin khan Electric veng leh Saron veng, Aizawl mipuite tan chawhmeh thlai thar thahnem tak an hlan.

Saipum mipuiin an hlan chawhmeh Electric veng hall-ah

Saipum mipuiin chawhmeh an hlan hi Saron veng tan 407 trip khat leh Electric veng tan pickup trip hnih a nih thu YMA Saipum Branch secretary hnen atangin EXPLOREMIZORAM.COM chuan thu a dawng.

Electric Veng, Aizawl chuan Saipum khua aṭangin Chawhmeh thlai thar thahnem tak an dawng.

Chawhmeh zawn te lawngin an phurkhawm

Nimin khan Saipum Khua hian chawhmeh chi awm awm dap khawmin, chhung tin ten an phal ang leh an remchan dan angin anhnah /chawhmeh chi hrang hrang an dah khawm a, chu an chawhmeh thawhkhawm chu hripui vanga lockdown kara leng Aizawl Lectric veng tan hian an hlan ta a ni.

hah leh rim taka an thawh chhuah chu Electric leh Saron veng mipui tan an hlan

Vanduaithlak takin Saipum khua-in hetia chawhmeh an zawnna lamah kawng lakah chesualin Tv Lalruatfela s/o Lalringdama Saipum Chhim veng a boral hlauh a, inhliam mi pathum an awm bawk.

Chawhmeh te hi tukin zing dar 2 :00 khan Pik Up trip 2 nen Saipum aṭangin an lo chhuah pui a, Electric Veng tukin zing dar 7 :00 ah an lo thleng a ni.

Saipum mipuiin an hlan chawhmeh-in Saron veng a thleng

Electric Veng in duhsakna thilpek chawhmeh thlai thar chi hrang hrang an dawn te hi - Tumbu, Rawtuai, Pangbal, Hatkora, Thingfanghma, Chingit, Sihneh, Saisu, Bakhate, Aidu, Chengkawl, Alu, Maipawl,w Sawhthing mo thar, Sawhthing, Thingthupui, Bal, Lengser, Phuihnam, Maian leh Changhrat te an ni a.

"Hrilen laia hetiang duhsakna thilpek hlu tak kan dawng hi kan va lawm tak em. Saipum Khawtlang chungah Electric Veng Local Level Task Force te chuan thinlung takin lawmthu an sawi takzet a ni."

Nimin a Saipum Chawhmeh zawn hnatlang a thawkchhuak vanduaina tawk a boral ta Lalruatfela s/o Lalringdama, Saipum Chhim Veng, ral nan vawiin khan Electric Veng LLTF chuan ₹5,000 Saipum VC te hnenah an hlan a, mi pathum inhliam te tan ₹2,000 ṭheuh hlan bawk a.

Duhsak taka chawhmeh petu Saipum khua te hi Electric Veng Local Level Task Force chuan cheng 10,000 leh Silpauline an pe let a, Saron veng LLTF pawhin cheng 10,000 an lo hlan niin EXPLOREMIZORAM.COM chuan thu a dawng.

Saron veng LLTF secretary Lalrintluanga Ralte chuan, "Vawiin ni 26.05.21 hian Saipum khua chuan, Saron veng khawtlang tan chawhmeh ṭhahnem tak min pe a. Saron veng khawtlangin thinlung takin lawmthu kan sawi a. Pathianin malsawmna tam takin vur let ngei rawh se." EXPLOREMIZORAM.COM tiin a hrilh.

Electric veng local council chairman F Saichhunga chuan, "Covid 19 hrileng avangin kan buai a, a do let kawng ah LLTF in theihtawp kan chhuah a, Result lo chhuak in kan rilru a ti hnual fo thin." a ti a.

"Saipum khawtlang hruaitu te atangin Phone Call kan dawng a, anmahni thar leh an ramchhunga ramhmul chawhmeh min rawn pek an tum thu a lo ni a, kan khawtlang tan an fehchhuah mek laiin an zing a mi in Accident an tawk a, hliam leh nunna hial chan an awm thu kan hriat erawh chuan min nghawng hle thung a ni. Lusun te leh, hliam tuarte Pathian in thlamuan se. Vanduaina an tawh mek laiin an tumna rawn ti hlawhtling in, an thlai thar te tukin ah min rawn hlan hi an chungah Electric veng khawtlang aiawh in lawmthu ka sawi mawlh mawlh e," tiin lawmthu a sawi a ni.

Saipum lam: