NH 6 laih mek tithuanawptute lakah Champhai NGO-in FIR thehlut; May 17 ral hma ngeia gate thiat turin ngen!

Aizawl | May 14, 2021: Vawiin khan Khawzawl PS ah Champhai NGO ten FIR thehlutin Kawlkulh khaw panna penga hnathawktute danna tur Gate chu May ni 17 ral hmaa thiat tur leh kawng sialtu te tibuai zawnga khawsa leh hma latute chhinchhiah saka, a ṭul anga hma la turin an ngen.


An lehkha thehluh ah hian, "National Highway No 6 Seling to Champhai kawng laih mek tithuanawp zawnga hmalakna khaw thenkhatin neiin Puilo khaw peng (kawlkulh khaw chhung)-ah hnathawktute leh an hmanruate an dang a," tiin a inziak a. 
1. He an gate hi May 17 ral hma ngeia thiat darh vek turin kan ngen a che.
2. Hnahthawktute harsatna siam zawng reng renga khawsa leh hmalatute min chhinchhiahsak a, a tul anga action min laksak turin kan ngen a che, tiin an ziak a ni.

Post a Comment

0 Comments