MSU in sawrkar hnathawk pension rawihnawn duh lo

• Rawih nawnna sut turin sawrkar an ngen

Aizawl | May 17, 2021: Mizo Students' Union (MSU) general headquarters Aizawl chuan sawrkar hna thawk pension hnua rawih nawn duh lovin rawih nawnna thupek chu sut turin sawrkar an ngen.




Home Department in May ni 12, 2021 a pension tawh rawihnawnna tur a tichhuak hi ngun taka zirchian a nih hnu in Notification no. A 46011/1/2013-HMP hi kan sawrkar hian a sut leh ngei MSU chuan an phut tlat a, sut leh tura sawrkar ngenna hi vawiin khan Home Minister hnenah an thehlut a ni.

MSU chuan hemi chungchangah hian Zoram mipui leh Zirlaite thlawpna an ngen.

MSU hian zirlaite leh ram tân Mizoram sawrkar hnuaia hnathawkte rawih nawn chungchangah hma a la fo tawh a. Kum 2016 phei kha chuan zirlaite thisen chhuak hialin nasa takin pension tawh rawih nawn hi dodal a ni.

MSU chuan Ram leh Department tana mithiam bik leh aiawhtu tur awmloh vanga rawih nawn te, rawihnawn a nih loh avanga Department kalphung khaihlak thei thilte bakah Ram leh Hnam tana mi pawimawh bikte rawihnawn hi a hrethiam em em a. Chutiang ni si lova induhsakna leh thildang avanga Pension tawh rawih nawn hi Ram inrelbawlna leh thalai hna zawng mekte tihkhaihlakna niin MSU chuan an ngai tlat a a ni.


Post a Comment

He post chungchanga i ngaihdan lo sawi ve rawh:

Previous Post Next Post