Aizawl | May 26, 2021: BJP Sorkar Narendra modi kaihhruai chuan, term hnihna kum hnihna chu 30th May, 2021 hian a lo tling dawn ta a. Hemi den chhen hian BJP National president Pu JP Nadda chuan ruahmanna siam in, India ram pum Thingtlang khua nuai khatah Covid-19 hripui avanga harsatna tawkte tan "Sewa Hi Sangathan programme", "Midang tan a luanchhuahna leh Blood Donation Camp" kalpui tura tih niin, Blood donation camp 50000 chuang kalpui tura tih a ni.
Hemi bawhzui hian nimin tlai khan BJP Mizoram Pradesh chu an State President Vanlalhmuaka kaihhruaina hnuaiah BJP District President, MLA leh MDC te nen hemi chungchang hi Video Conference meeting neiin, Mizorama kalpui dan tur leh hmalak dan tur an sawiho.
BJP Mizoram State President Vanlalhmuaka chuan District tin a block tin atangin State OB, MLA, MDC leh District OB ten May 30 hian Modi 2.0 Kum hnih tlin hriatrengna denchhen a, thingtlang khua thlan bikah, mahni theih ang angin tanpuina pe tura hrilhin, Midangte tana luanchhuahna tur bik atana identification of village chu May 31 hma-in ti vek turin BJP District tin hruaitute a chah a ni.
Hetih rual hian BJP National president JP Nadda ngenna angin, State chhung a Morcha hrang hrangte hemi denchhen a Blood Donation Camp nei tur a hma la tura tih an ni a, Blaood Donation Camp nei tur a hmala tur a beisei an ni.
Heng 'Sewa Hi Sangathan' kalpui dan turah hian mahni awmna District leh LLTF te be rawn a programme hi siam turin State President Pu Hmuaka chuan District hruaitute, MLA leh MDC te chu a chah bawk.
Pu Vanlalhmuaka chuan tun 24th - 30th May, 2021 chhung hian BJP Member te chuan mahni phak tawk leh tlin tawk ang theuhin kan chhehvelah chhuanchham tanpuina kawnga hma la tur leh, Modi 2.0 kumhnihna hriat rengna atanahmalakna atana hmang tur a Central hruaitu ten an ngen angin BJP Member ten ngaipawimawh a mi dang tana luang chhuak theuh turin Mizoram a BJP Member zawng zawng te a chah bawk.
Post a Comment
He post chungchanga i ngaihdan lo sawi ve rawh: