MNF vice president atanga Vanlalzawma banna pawm lo

Aizawl | May 5, 2021: MNF President Zoramthanga chuan MNF Vice President Vanlalzawma'n party-a a nihna atanga bànna a thehluh chu a pawm lo a, a nihna ngai, Vice President mawhphurhna chelh zui zel turin a ngen.

Banna a pawm loh thu hi nimin khan MNF president Zoramthanga chuan ziakin Pu Zawma hi a hriattir a, Serchhip by-election a MNF tlin loh chu Pu zawma mawhphurhna bik ni lovin Party hnathawktute zawng zawng mawh a nih thu a tarlang a ni.


Serchhip bial MLA by-election neih zawh taka a tlin zawh loh avangin Vanlalzawma chuan May 3 khan MNF vice president atanga banna MNF President hnenah a thehlut.


Post a Comment

He post chungchanga i ngaihdan lo sawi ve rawh:

Previous Post Next Post