Minister K Lalrinliana'n Bairabi PHC tan Ambulance pe

Aizawl | May 8, 2021: Tukin khan Food, Civil Supplies and Consumer Affairs Department Minister K Lalrinliana chuan MLA Local Area Development Scheme hmang a lei Ambulance chu Bairabi PHC-a thawktute hnenah a hlan.


Bairabi PHC a thawktuten Bairabi mipuite hriselna an enkawlna kawngah Ambulance chu țangkai tak a hman anih theih nan Minister chuan duhsakna a hlan a, Covid-19 hrileng dona kawngah pawh hmanraw țangkai tak a nih ngei a beisei thu a sawi bawk. Bairabi chu Mizoram chaw kawng pawimawh tak a nih angin hrileng avanga chiai mai lo turin leh fimkhur tak chungin mipuite tan a harsatna sukiang zawng a hma la thiam turin Ambulance hlanna hmang a khawtlang hruaitu lo kalte chu a chah bawk a ni.


Ambulance hlanna hun hi Pu Lallawmawma, Addl. DC, Kolasibin a kaihruai a, Pu Vanlalmuana, Bairabi SDC, Pu Hmingthanzuala, DIPRO leh Bairabi North leh South khawtlang hruaitute an tel a ni. 

Ambulance hi MLA-LADS hmangin May ni 5, 2021 khan cheng 5,77,190 sengin GIG Motors Aizawl atangin lei a ni a, cheng 8,810 hi registration tih nana dah a ni bawk.

Bairabiah hian nimin khan Covid-19 positive kai mi 7 hmuh chhuah a ni.


- DIPR

Post a Comment

He post chungchanga i ngaihdan lo sawi ve rawh:

Previous Post Next Post