Lawngtlai Officer-ten Hripui vanga harsatna tawkte tanpuina sum Lawngtlai DLTF-ah hlan

Aizawl |May 24, 2021: COVID-19 hri leng vanga total lockdown kalpui mekah Lawngtlai District-a chhuanchham leh ṭanpui ngai tak takte tan Officers' Club Lawngtlai (OCL) member-te chu a ṭum hnih nan luang chhuak lehin, member-te sum thawh khawm ₹ 1,10,000/- (cheng nuai khat sing khat) chu vawiin khan Lawngtlai District Level Task Force on COVID-19 (DLTF) kutah an hlan a. DLTF Chairman Dr Andrew H. Vanlaldika'n lo dawngin, mi harsa zawkte tana ṭhahnem ngai taka insawr chhuak ṭhin OCL member-te chungah lawm thu a sawi a ni.

OCL hi kum 2017-a din a nih aṭang khan Krismas vuakvet leh hun hrang hrangah mi harsa zawk leh a mamawhte tan member-te sum thawh khawm hmangin an lo luang chhuak ṭhin a. COVID-19 hri leng boruakah pawh nikum April thla khan DLTF-ah ₹ nuai 1 lo hlan tawhin, tunah hian a ṭum hnih nan an che chhuak leh ta a ni.