Aizawl | May 15, 2021: Covid-19 vanga ZMC, Falkawn-a enkawl mek minister R. Lalzirliana'n a awmna damdawi in chhuat a nawt lai thlalak chuan social media hrang hrang a luah rang hle.
Minister Zira hi a dinhmun a ziaawm lam nia thudawn a ni.
Pu Zira chuan a thil tih chu Doctor leh nurse-te tihzah tumna emaw ni lovin, mi dnag tana entawn tur hnutchhiah a, mi dangte zirtirtu nih a tum vang a nih thu PTI a hrilh.
He thu hi PTI, NDTV, Times Now leh East Mojo ah te pawh tarlan a ni.
May 11 khan a nupui Lalthangmawii (59) nen hripui vangin enkawl tan an ni. An ni bakah hian an fapa pawh May 8 khan hripui a vei tih hmuhchhuah a lo ni tawh.
R Lalzirliana hian Delhi a zin chang pawhin Mizoram House chhuat bal a lo nawt fo tawh nia thu dawn a ni.
Saitual district champion-puitu, Politician hlun, Kum 71 a upa R Lalzirliana hi Congress party atangin hun rei tak MLA a thlan tlin niin, Minister hial a nih hnuin MNF a zawm a, tunah hian minister a ni leh nghal a. Tunah hian Power and Electicity, Arts and culture, land resources, soil and water conservation, bakah district council and minority affairs minister a ni mek a ni.
Congress sawrkar-ah khan Home minister dinhmun chelhin, Congress Party-ah Vice president a lo ni tawh bawk a ni.
R Lalzirliana a zawnin tum nga lai MLA atan thlan tlin ni tawhin, 1998, 2003, 2008, 2013 leh 2018 te khan thlan tlin a ni a. Tun term hi a hman zawh chuan a zawna MLA a nih kum 25-na a lawm thei dawn a ni!
Post a Comment
He post chungchanga i ngaihdan lo sawi ve rawh: