DULTE VC HUAMCHHUNG ZAUPUI AREA CONTAINMENT AREA-AH PUANG

Khawzawl | May 29, 2021: Tunhnaiah Khawzawl District chhunga Zaupui Camp-a awmte zingah Covid-19 positive hmuhchhuah an ni a. He camp-a awm mekte leh a bulhnai khuate hi intlawhpawh, hna pawh thawkho thin an nih avangin, Covid-19 hrileng darh zel tur venna atan inkhuahkhirhna khauh zawk kalpui a ngai tih hmuh a ni.



Inkhuahkhirhna khauh zawka kalpui a tul avangin Pu Zothanmawia, Deputy Commissioner & Chairman, District Level Task Force on Covid-19, Khawzawl District chuan Regulation 11(1) of The Mizoram Epidemic Diseases (COVID-19) Regulations, 2020' tlawhchhanin, 'Dulte Village Council huam chhunga Zaupui Area (Hauhuk thlan atanga Leitan inkar)' chu May ni 28, 2021 atanga thu leh awm hma atan tlawhpawh phallohna hmun, 'Containment Area' ah a puang.
Containment Area huamchhunga awmte chuan a hnuaia tarlan inkhuahkhirhnate hi an zawm ngei ngei tur a ni:
1. Containment Area-a luh leh chhuah khap tlat a ni. Loh theih loha luh leh chhuah ngaite chuan Village Level Task Force (VLTF) hriatpuinain la hmasain Deputy Commissioner hnenah phalna dil tur a ni. Hei hian Zonal Officer, Medical duty, Security duty, VLTF te leh Essential service hna thawktute chu a huam lo ang.
2. Containment Area paltlanga hmun danga kal turte chu chawl khawmuang lova motor kawngpuia tlan tlang phal a ni.
3. Containment Area chhunga miten ei leh in chungchanga harsatna an tawh loh nan, VLTF ten uluk taka an dinhmun thlir chungin eichawp dawr leh bazar hawn chungchangah ruahmanna an siam ang.
4. VLTF ten harsatna leh mamawh an neih chuan bialtu Zonal Officer/Incident Commander hnenah an thlen ang.

- DIPR

Post a Comment

0 Comments