COVID-19 vanga boral awm belh; Hripui vanga boral mi 40 tling tawh

Aizawl | May 31, 2021: Vanduaithlak takin Pi Lalrokimi (64), Venghlui, Aizawl chu vawiin 31.05.21 chawhnu dar 3:30 khan COVID19 pneumonia avangin ZMC-ah a boral. 15.05.21 khan Covid-19 hri a kai tih hriat niin 18.05.21 ah ZMC ah admit a ni a. Amah hi chuap tha lo nei sa a ni.

Vanduaithlak takin Pu R.Lalrohluna (57), Seling chu vawiin 31.05.21 dar 8:30AM khan a boral. 4.5.21 ah Covid-19 positive tih hriat niin 5.5.21 ah ZMC ah admit a ni. Amah hi 4th IR Bn mi leh sa, W.Bengal election duty kal, hri kai ta zinga mi a ni. Zunthlum natna nei sa a ni.

Amah hi 4th IR hmun, Rengdila an quarantine laia sample lak a nih vangin Mamit District case anga chhinchhiah a ni.

Tun dinhmun-ah Mizoram a hri vei hmuhchhuah tawh zawng zawng hi mi 12,087  niin, dam tawh hi mi 9,015 an ni a, enkawl lai mi 3,032 awmin, nunna chan hi mi 40 an ni thung.

Hri vei hmuhchhuah tawh zing-ah hian Mipa 7285 niin, Hmeichhia hi 4,802 an ni.

Thlalak hi Mizoram a ni lo. News tichiang thei tura dah mai a ni