Sairang Dinthar | May 25, 2021: Vanduai thlâk takin vawiin khan Sairang dinthar mi Covid-19 Positive panga(5) hmuh chhuah thar leh niin, nimin lamah mi panga (5) bawk hmuh a ni tawh a, a hmalama Positive awmsa nên an vaiin Sairang Dinthar ah Positive 11 an awm mek a ni.
Heng positive te hi HQ ni lo aṭang veka hmuh niin thu dawn a ni.
Positive pakhat chu dam felin chhuah zalen a ni tawh a; Positive pathum awmsa te hi vawiin khan RAgT Test neih leh niin mi pahnihin an Negative a, mipa pakhat erawh a la Positive thung.
Result Negative- te hi fimkhur thuah Home Isolation Ni Sarih chhûng nei leh tura tih an ni bawk.
Nimin khan chhungkaw pakhat chungah vanduaina thlengin, pa ber kum 50 bâkah hian a chênpui te aṭangin mi pathum; mipa 2 kum 25 mi leh kum 2 chanve bakah hmeichhe pakhat kum 25 te chuan vanduai thlâk takin Covid-19 an Positive palh hlauh mai a. Nimin tlai khan an pali hian 4C (Horticulture) ah dah nghal an ni bawk.
He chhungkaw kaihhnawih vang hian dam lohna nei ve hmeichhe pahnih chu nimin tlai khan Sairang PHC-ah RAgT Test tura hruai ve nghal an ni a. Vanneih thlâk takin nimin tlai kha chuan an Negative ve ve thung!
Mahse, pakhat zawk hi a tho har peih lo a, ziaawm lam a pan theih loh avangin hmunpui lam zawk pan pui nise an tia, amah buaipui tur hian a fanu a kal ve a chutih rual chuan Mipa pahnih leh hmeichhe 1 chu dam lohna leh insawisêlna an neih ve bawk avangin in check up turin an zui ve a; LRM hospital ramhlun-ah in check up tura an kal chu RAgT Test an nei a, Hetah hian test niin, an vaiin positive-in, nimina test a negative tawh pawh vanduaithlak takin an positive tih hmu chhuah leh a ni.
• Vawiin chhun dar 12:30 bawr vel khan an zinga pakhat chu ZMC lamah phurh phei niin ICU- ah dah nghal a ni.
Hmeichhe 2 leh mipa pakhat erawh BSUP durtlangah dah niin, Hmeichhe pakhat chu Sairang Dinthar 4C- ah dah a ni.
BSUP Durtlanga dah zinga mi pakhat chu zanin dar 7:00- 8:00pm inkâr khan Oxygen a mamawh tâk thut avangin ZMC lamah phur phei leh nghâl a ni.
- C Lalfakhlena |
Post a Comment
He post chungchanga i ngaihdan lo sawi ve rawh: