COVID-19: Random Test kalpui dawn

Aizawl | May 1, 2021: Mizoram chhunga mipuia hri a darh dan hriat nan COVID-19 random test neih a ni dawn.



Chief Secretary Pu Lalnunmawia Chuaungo, State Disaster Management Authority (SDMA) State Executive Committee Chairman ni bawk chuan vawiin khan thupek tichhuakin COVID-19 random test nei turin Health & Family Welfare Department a hriattir.

COVID-19 hri vei zingah an kaina chin hriat loh leh chhui theih loh engemawzat an awm tak avangin mipui mimir zingah he hri hi a darh nasa hle tawh nia ngaih theih a nih thu he Order-ah hian tarlan a ni a. Eng ang chiaha darh zau nge tih hriatna tur leh hmalak zel dan tur ruahmanna siam kawnga thuneitute tanpui turin random COVID-19 testing neih a lo tul ta a. Chuvangin, Disaster Management Act, 2005 in thuneihna a pek angin Mizoram Chief Secretary chuan COVID-19 random testing chu an test turte remtihna (consent) la chungin kalpui turin thupek a tichhuak a ni.

Hetia random test kalpui a nih hian mipui nawlpui, a duh apiang test theih a ni dawn a, hripui darh dan hriat nan thuneitute a pui hle dawn a ni.

Post a Comment

He post chungchanga i ngaihdan lo sawi ve rawh:

Previous Post Next Post