COVID-19: Hripui vangin mipa pakhat boral; Hripui vanga boral 23 tling tawh!

Aizawl | May 12, 2021: Vanduaithlak takin nizan dar 9:45 khan Jerusalemthara (44), Tanhril chu COVID Pneumonia avangin ZMC ah a boral.

Sawrkar thuchhuahin a tarlan danin, Jerusalemthara hi May 4, khan hri a kai tih hmuhchhuah niin SAI CCC ah enkawl a ni a, May 10 ah ZMC ah admit a ni. Amah hi thin leh kal natna nei sa a ni.

Thlalak hi Mizoram a ni lo. News tichiang thei tura dah mai a ni.

Tun dinhmun-ah Mizoram a hri vei hmuhchhuah tawh zawng zawng hi mi 8035 niin, dam tawh hi mi 6002  an ni a, enkawl lai mi 2010 awmin, nunna chan hi mi 23 an ni thung.
Hri vei hmuhchhuah tawh zing-ah hian Mipa  5296 niin, Hmeichhia hi 2739 an ni.

Aizawl district-ah hri vei enkawl lai tam berin mi 1428 an ni a, Serchhip-ah 153, Lunglei district -ah 93, Kolasib district-ah 103, Siaha-ah 69, Mamit-ah 55, Lawngtlai district-ah 41, Saitual-ah 31,  Khawzawl 29, leh Champhai-ah 8   te an awm a ni.
Hnahthial district chu hri vei awm lohna district an ni rih!

Post a Comment

0 Comments