COVID-19 | Hripui vanga boral mi 17 tling tawh; Hri vei enkawlna atangin mi 66 chhuak!

Aizawl | May 3, 2021: Vanduaithlak takin Pu James Lianmawia (55), Kanan Veng chu COVID19 avangin vawiin May ni 3, 2021 tlai dar 4:15 khan ZMC ah a boral. April ni 15, 2021 khan COVID19 hri a kai tih hmuhchhuah niin ZMC ah admit a nih hnuah stroke a nei tih hmuh a ni.



Vawiin vek khan hri vei enkawlna hmun atangin mi 66 dam takin an chhuak. Heng hri vei dam tawh chhuak ta te hi Aizawl district atangin 57,  Lawngtlai - 6, Champhai - 2 leh Serchhip district atangin 1 te an ni.


Tun dinhmun-ah, Vawiin tlai thleng khan Mizoram a hri vei hmuhchhuah tawh zawng zawng hi mi 6358 niin, dam tawh hi mi 5112  an ni a, enkawl lai mi 1229 awmin, nunna chan hi mi 17 an ni thung.
Hri vei hmuhchhuah tawh zing-ah hian Mipa 4326 niin, Hmeichhia hi 2032 an ni.

Aizawl district-ah hri vei enkawl lai tam berin mi 874 an ni a, Serchhip-ah 112, Lawngtlai district-ah 69, Kolasib district-ah 52, Lunglei district -ah 49 an ni a, Mamit-ah 47, Saitual-ah 9,  Champhai-ah 6 awmin,  Khawzawl 6, Siaha-ah 4 leh Hnahthial-ah 1 te an awm a ni.

Nimin  tlai dar 5:30 khan Vanduaithlak takin Pu J Rawna (64), Dam Veng, Aizawl chu  COVID19 pneumonia avangin ZMC ah a boral. 30.4.21 khan COVID19 a positive tih hmuhchhuah niin ZMC ah admit nghal a ni.





(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post