Women's Polytechnic Aizawl Miss 2021 Amuani

Women's Polytechnic Aizawl (WPA) Miss 2021 Lalzuimuani


Amuani tia hriat leh koh thin Women's Polytechnic Aizawl (WPA) Miss 2021 Lalzuimuani hi MUanthanga leh Lallianpari te fa pali zinga hmeichhe awm chhun ni turin October 28, 2001 khan a lo piang a. An chhungkua hi Lawngtlai, chandmary mi niin, tunah hian Khatla, Aizawl-ah an khawsa mek.


Amuani hi unau pali zinga hmeichhe awm chhun niin nuta pathum a  nei a, a upa ber a ni bawk. Kohhran lamah chuan Baptist Church of mizoram (BCM) a lawi an ni.

Zirna lam:
• Pawl 10 leh 12:
- Pawl 10 hi Government Region High School, Lawngtlai atangin  2018 khan ka pass a, Pawl 12 erawh  JLHigher Secondary School, Aizawl atangin 2020 khan ka pass thung.

• Tuna zir mek:
- Tunah hian Modern Office Management Practice (MOMP) 2nd semester ka zir mek a ni.


I duhzawng leh ngainat zawng:-
Lehkhabu duh: Bible,  Thelma (Ziaktu- Marie Corelli)
Actor/Actress: Lee Minho, Hrithik Roshan, Madelaine Petsch
Zaithiam: Daduhi leh C Sanga
Chawhmeh: Sangha leh Artui
Hla: GG pop music
Hmun: Hmun fian rial leh reh 
Rawng: a dum leh Var
Ziaktu: B Lalthangliana

Hobby: Movie en


Mize ngainat zawng: Inngaitlawm, a hun leh hmun a awm dan thiam, rilru tha leh frank tak.

Mize ngainat loh zawng: Phakar leh uikawm.

Kawppui tura duhzawng: Pathian tih mi, rilru puitling tak mawhphurna hre mi leh ruihtheih thil ti lo.

Relationship status: Taken


Miss WPA 2021 thlanna a tel chhan?
- Miss WPA 2021 thlanna-ah hian House leader ten house aiawh a tel tura min thlan vanga tel ka ni.

Miss WPA 2021 nih hi i inring reng em?
- Miss ni tur hian kan house aiawhin ka tel ve a, ka telpuite an tha hlawm bawk si a, ka huphurhin ka zam ve em em a,  Miss nih hi ka inring ngai lo.


Miss WPA in i nuna nghawng a neih??
- Nun uluk a tul zia ka hriat phah a, mi ten min chik sawt a. Tin, Mahni inrintawkna ka neih phah a, Ka nun hi a tha lam/ eng lamin min kaihruai nasa hle a ni.

Modelling lam hi i tui reng em?
- Aw, Modelling lam hi ka tui lutuk, thlalak te hi nuam ka ti.



ZAWHNA DANG::
1. A tel lova i awm theih loh:
- Pathian leh ka chhungte

2. I nun kaihruaitu:
- Isua

3. Hringnuna i hlauh ber: 
- Phatsan nih leh nun/nungchang hloh!

4. I tih ngai miah loh tur:
-  Min ringtute phatsan leh midang hmuhsit!


5. Mizo Tualzal nuna ṭha i tih:
- Tlawmngaihna

6.  Quote i duh ber:
- Tawngtai fan fan ula, chumiah chuan lawmthu hril chungin ngaihven rawh u.
Kolossa 4:2

7. Mizoram leh Mizo tualzal nuna Mizo hmeichhiate dinhmun:
- Kan zalen ka ti a, zalen tih ah khan a tha lo lam ni lovin, Hmanlai angin hmeichhia-te tih tur bik awm tawh lova, hna ah leh thil hrang hrang-ah kan tih theihtawk kan ti ve zel thei tawh hian hmasawnna min pe in Mizo hmeichhia-te kan duai loh zia a tilangin ka hria.

8. Hnam hmingṭhat leh hmingchhiat kawngah Hmeichhiate'n mawhphurhna:
-  Mi tin mahni nun uluka humsual dai loh.


9. Hnam ziarang chawinun kawnga Hmeichhiate mawhphurna:
- Mizo nun zahpui lova, Kan hnam ngaihsan!

10. Mizote tan 'Fa neih tlem' inzirtir hi a ṭulin i hria em? 
- Mizo te hi hnam tlem kan ni a,  chuvang chuan kan neihin a tlin a kan duh phawt chuan neih tlem kher hi a tulin ka hre lo.

11. Mizo hnam ṭhanmawh bawk nia i hriat?
- Kan hnam kal dan kalsan a hnam dang tihdan kan zir nasa lutuk hi a ni berin ka hria.

12. Mizo hnam damna atana  kawng awm nia i hriatte?
- Mahni nun uluk a, mahni nihna hriatchhian a, kan ram kan hnam dah pawimawh hmasak.



13. Hnam chhan nana Hmeichhiate ṭangkaina leh mawhphurna?
- Kan hnam hi a boral loh nan chuan Mizo hmeichhia-te hian hnam dang fa hrinsak lova kan hnam fa ngei hrinsak a, Mizo Mipa te hlutna hriatchian hi kan mawhphurna niin ka hria.


14. Zirna, Khawtlang leh Kohhran hi?
- Zirna, khawtlang leh kohhran hi thil pawimawh tak Mizo society-ah thenhran theih loh an ni a. Miin a thiamna chu khawtlang leh kohhran tan fair takin hmang se, chu chu hmasawnna kawnga rahbi pawimawh tak a ni.

15. Khawtlang, Kohhran leh nangmah:
- Miin kohhran-ah chauh inhmangin khawtlang-ah inhmang si lo se la, Tawng mawi lo ni lo se, 'mi fing var vak a ni tak tak thei lo'. Chutiang bawkin khawtlang ah chauh inhmang mi a nih chuan, nun hlutna hrethiam lo an ni duh chawk tih hi ka ngaihdan a ni a. Keimah-ah hi chuan khawtlang leh kohhran hi chu a kalkawp reng tur a ni.

16. Social Media leh Nangmah:
- Tunlai-ah chuan social media hian mi tin te nunah hmun pawimawh tak a luah a, a tha lama hmang duh leh a chhe Lama hmang duh kan awm a. Keimah-ah tak hi chuan social media a mood zawng zaawng pholan hi ka duh lova thil pawimawh tih nan leh bengvar nan leh hmasawn nan ka hmang ber a, hetiang zawnga hman hram hram hi ka tum thin!


17. Mizoram ṭhalai tam tak tlakchham:
- Dawhtheihna hi kan tlachham ka ti. A chhan ni ber a ka hriata ka ngaih ve danah chuan, tunlai khawvel-ah technology a sang zela chutih rualin net a chak telh telh a kan hmet a a lut zung zung a. Hetiang ang chiah hian kan nunah hian hmeh a tlang zung zung tur-ah hian kan ngai tlat ni ber hian ka hria a, chu chuan kan nunah nghawng nasa tak a nei a ni.

18. Mizo ṭhalaite hian ngaihsan tur dik an ngaisangin i hria em?
- Ngaihsan zawngah hi chuan tu pawhin a chhe lam leh tha lam hi kan nei vek a chutiang bawkin celebrity-te ngaihsan kawngah hian sawisel ka nei lova. Amaherawh chu Mizo-ah mi hlawhtling tak tak an awm a, heng entawn tlak tak tak te hi ngaisang tel ve ila tih hi ka ngaihdan a ni.

19. Ngaihsan tur dik nia i hriat:
- Thawkrim, tumruh leh tuarchhel!



20. Hlawhtlinna tura pawimawh:
- Hlawhchham hnu pawh a thawhleh zelna chang hriat hi.

21. hloh i hlauh ber:
- Ka 'nun' hloh hi ka hlau ber.

22. Zo hnam inpumkhatna hi a thlen theih i ring em?
- Mizo te hi kan inenfiah a, kan hnam kan ngaihsan a, kan tanrual phawt chuan ka ring a ni.

23. Hnam dang nupui pasal neih hi:
Bible a ziak ang ngeiin hnam dang ni lo mahni hnam ngei pasal a neih hi ka ngaihdan a ni.


EXPLOREMIZORAM.COM i hmuh dan:
EXPLOREMIZORAM.COM hi a changtlungin content hrang hrang hmuh tur a awm a, a bengvarthlakin, Mizo hnam dahsan a chawisan tumna nena hmala tura fuihna leh min motivate tu niin ka hria.


Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post