AMC huamchhung-ah Thawhlehni leh zirtawpni-ah bazar hun hawng dawn

Aizawl | May 15, 2021: Karleh khian aṭang khian Aizawl Municipal Corporation (AMC) huamchhungah thawhlehni leh zirtawpni-ah bazar hun hawn a ni dawn a. He hunah hian AMC Area-ah eichawp dawr, thlai, chawhmeh leh sa zawrhnate hawn theih a ni ang.

Mizoram Sawrkar No.B.13021/101-2020-DMR/Vol-IV, dt.14.5.2021-a chhuak Para B(3)-in a sawi angin, Dt.18.5.2021(Tuesday)-ah leh Dt.21.5.2021 (Friday) hian AMC Area-ah eichawp dawr, thlai, chawhmeh leh sa zawrhnate hawn theih a ni dawn.

Heng ni leh a hma zana inbuatsaihna atan a hnuaia tarlante hi hriat reng tur a ni:

1) Heng bazar ni a zawrh chhuah turte chu Dt.17.5.2021(Monday) leh Dt.20.5.2021(Thursday) zan dar 8:00pm leh dar 12:00am inkarahte lakkhawm theih a ni ang a. Heng atana chhuakvak turte chuan an chhuah tanna hmun leh an kalna tur mumal taka ziah tarlanna LLTF/VLTF lehkha an nei tur a ni a. Tin, hemi hun chhung atan hian LLTF/VLTF lehkhate hi ‘Curfew Pass’-ah rin nghal tur a ni ang.

2) Curfew hun chhung (7:00pm – 4:00 am) -in Whole Sale Dawr/ Vengchhunga zawrh tura a hlawma lakna/Distributor bak, mipuite lei tura dawr hawn/in zawrh/chawhmeh hralhchhuah khap tlat a ni.