- R Lalramnghaka,
Special Secy, H&FW,
Govt. of Mizoram.
World Malaria Day hi kumtin khawvel pumah 25th April ah hman thin a ni a. Amaherawh chu kan hriat theuh angin kumin hian Sunday ah a tlak avangin vawiin ni 26 (Thawhtan) ah kan hmang ta a ni. World Health Organisation (WHO) hnuaia World Health Assembly chuan kum 2007 khan Malaria (Sikserh) chungchanga inzirtirna leh hriat tur tul te inhrilh hriat thinna hun atan World Malaria Day hman a rel a. Tichuan, kum 2008 atang khan kum tin thupui neiin World Malaria Day hi April ni 25- a hman thin a lo ni ta a ni.
Kum 2021 thupui atan chuan “Reaching the zero Malaria target.” tih thlan a ni a. Kum 2030 ah chuan India ram hi Malaria natna awmloh na ram a siam tum niin, hemi hlenchhuak thei tura hmalakna kalpui zel tur a infuihna atan hman a ni.
Kan hriat theuh angin Mizoramah Malaria natna hi vawiin ni thlengin ala hluar hle mai a. Tun dinhmunah hian Mizoram hi India rama Malaria tamna ber State kan ni mek a, hei hian Malaria dona kawnga tan lak kan ngaih nasat zia a lan tir awm e. Sorkar hian hmalakna tamtak, rampum huapin a kalpui mek zel a, mipuite Malaria natna laka kan him nan te leh nunna chan kan awmlohnan District pum puiah hma a la a ni. Amaherawhchu, heng hmalakna zawng zawng hlawhtlinna chu mipui kan ni a, mipui, line department dang, pawl leh kohhran puihna leh tawiawmna tello a hlawhtling thei lo a ni tih kan hriat thar a pawimawh hle.
Health Department hmalakna Intersectoral Convergence atan a thawh ho na kawngah hmalak mek zel a ni a. Mizoram sorkar dept hrang hrangte leh pawl leh kohhran telna State Task Force Committe on Malaria Elimination din niin, he meeting hi vawi engemaw zah neih tawh a ni a. Malaria dona kawnga hmalak dan tur te thlir ho thin a ni. He committee in a tum ber chu Mizoram a Malaria umbo tur a thawh ho leh hmalakna kalpui a ni. Kan hriat theuh angin Department mal tan hmalak sen a ni lova, mahni phak ang tawk theuah hma la tur a inzirtir thin a ni. He hmalakna kal zelah hian pawl, kohhran leh department te tawiawmna kan dawng tha hle a, mahni huangchhungah Malaria do turin hma min lakpui chho zel a, tun aia tha zawk leh sawt zawka hma kan lak ho zel pawh kan beisei a ni.
Sorkar chuan Malaria laka invenna te leh inenkawlna te hi mipui ban phakin khaw tin leh veng tin ah a chhawpchhuak vek a. Heng te hi mipui ten hman tangkai nachang kan hriat a, sorkar hmalakna leh inzitirna te lo zawm a, kan nitin nun a lo seng luh hi kan chanvo a ni tih kan hre tawk lo fo thin a. Malaria natna tihrem na kawnga hmalakna hrang hrang te hi tun aia kan ngaihhlut lehzual a, inzirtirna te kan zawm that chuan kan rama Malaria vei tlem zawnga kan kal ngei a rinawm.
Health Dept hmalakna tamtak zingah Long Lasting Insecticidal Nets (LLIN), thosilen damdawia chiah sa chu nikum 2020 March thla khan Mizoram a khua API>1 (mi 1000 zela Malaria vei mi pakhat aia tam awmna khua) ah a tlawn vek a sem a ni a. He hmalakna hi Health Department in a beisei aiin mipuite kan tawiawm that tawkloh avangin Malaria vei zat tlahniam tur a kan beisei ang in a tlakhniam phahlo em em a. Chuvangin, mipuite himna atan a sorkar hmalakna hi kan ngaihhlut lehzual a tul hle a ni tih a chiang hle awm e. Malaria laka invenna tha ber leh awlsam ber chu mutna a thosilen zar a ni tih hria ila, he thosilen (LLIN) hi a dawngtu mipuiten a hmanna tur diktak a hmang tur leh a damdawi that (effective) hun chhung ngei a hmang turin kan in chah nawn duh a ni.
Tun dinhmunah India ram a Malaria vei tamna ber State kan nihna paih thla tur leh Malaria vei awmlo tur a tan lakna kawngah Mizoram mipui, kohhran, pawl leh sorkar department hrang hrang te Health Department hmalaknate tawiawm zel turin kan in sawm a ni e.
Health Department hmalakna Intersectoral Convergence atan a thawh ho na kawngah hmalak mek zel a ni a. Mizoram sorkar dept hrang hrangte leh pawl leh kohhran telna State Task Force Committe on Malaria Elimination din niin, he meeting hi vawi engemaw zah neih tawh a ni a. Malaria dona kawnga hmalak dan tur te thlir ho thin a ni. He committee in a tum ber chu Mizoram a Malaria umbo tur a thawh ho leh hmalakna kalpui a ni. Kan hriat theuh angin Department mal tan hmalak sen a ni lova, mahni phak ang tawk theuah hma la tur a inzirtir thin a ni. He hmalakna kal zelah hian pawl, kohhran leh department te tawiawmna kan dawng tha hle a, mahni huangchhungah Malaria do turin hma min lakpui chho zel a, tun aia tha zawk leh sawt zawka hma kan lak ho zel pawh kan beisei a ni.
Sorkar chuan Malaria laka invenna te leh inenkawlna te hi mipui ban phakin khaw tin leh veng tin ah a chhawpchhuak vek a. Heng te hi mipui ten hman tangkai nachang kan hriat a, sorkar hmalakna leh inzitirna te lo zawm a, kan nitin nun a lo seng luh hi kan chanvo a ni tih kan hre tawk lo fo thin a. Malaria natna tihrem na kawnga hmalakna hrang hrang te hi tun aia kan ngaihhlut lehzual a, inzirtirna te kan zawm that chuan kan rama Malaria vei tlem zawnga kan kal ngei a rinawm.
Health Dept hmalakna tamtak zingah Long Lasting Insecticidal Nets (LLIN), thosilen damdawia chiah sa chu nikum 2020 March thla khan Mizoram a khua API>1 (mi 1000 zela Malaria vei mi pakhat aia tam awmna khua) ah a tlawn vek a sem a ni a. He hmalakna hi Health Department in a beisei aiin mipuite kan tawiawm that tawkloh avangin Malaria vei zat tlahniam tur a kan beisei ang in a tlakhniam phahlo em em a. Chuvangin, mipuite himna atan a sorkar hmalakna hi kan ngaihhlut lehzual a tul hle a ni tih a chiang hle awm e. Malaria laka invenna tha ber leh awlsam ber chu mutna a thosilen zar a ni tih hria ila, he thosilen (LLIN) hi a dawngtu mipuiten a hmanna tur diktak a hmang tur leh a damdawi that (effective) hun chhung ngei a hmang turin kan in chah nawn duh a ni.
Tun dinhmunah India ram a Malaria vei tamna ber State kan nihna paih thla tur leh Malaria vei awmlo tur a tan lakna kawngah Mizoram mipui, kohhran, pawl leh sorkar department hrang hrang te Health Department hmalaknate tawiawm zel turin kan in sawm a ni e.
Publish for Public Interest by:
District Vector Borne Diseases Control Programme, Lawngtlai District
Post a Comment
He post chungchanga i ngaihdan lo sawi ve rawh: