Lockdown rawt vangin chawmhmeh zuar inhralh nasa

Aizawl | April 19, 2021: Lockdown mai thei dinhmunah kan din thu a darh hnu hian mi tam takin chhungkaw mamawh an inla khawl a, chhungtin mamawh inlakhawmin an lak khawl nasat ber chawhmeh zuartute chu an lun hle.

Vawiina Health minister Dr R Lalthangliana hoa Covid-19 darh leh mek chungchanga hmalak dan tur ngaihtuaha thukhawm chuan district khawpuiah kar khat chhung lockdown kalpui an rel. An thurel hi Chief Minister pawmpui turin an thawn a, CM thu ngaihchan mek a ni.

Bazarpui atanga Venghlui, Pi Pangi peng thlengin chawhmeh zuar inhralh tha lo an awm lo!

Bazarpui pawh a chuhin an inchuh a ni ber a, Dawrpui pheia Alu leh purunsen zuarte pawh Alu chu a bagin an putchhuahsak lawp lawp a. Venghlui vela chawhmeh zuarte pawh, pakhat phei chuan, "Kan hmeh tur pawh kan lo dahtha hman hleinem!" a ti.

Explore Mizoram zawhna chhangin chawhmeh zuar pakhat chuan, "Kan rate ngaiin kan hralh," tiin, rate an tihsan phah loh thu a sawi a, "tomato hmin lo pawh an hui vek mai a ni" a ti.

"A chuha an rawn inchuh tawh chuan keini tan chuan lo hralh mai loh chu tih ngaihna a awm lo," a ti bawk.

Chawhmeh zuar bakah hian chakkhai leh chhungkaw mamawh dang zuarte pawh an lun hle a, Buhfai a bag a lei lawp lawp hmuh tur an tam hle a ni.




(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

0 Comments