Khuahkhirhna thar chhuak; Aizawl leh district hmunpui-ah phalna nei lova pawnchhuah khap; Sakhaw biakbuk leh zirna in khar!

Aizawl | April 20, 2021: Mizoram chhunga COVID-19 kai thar chak taka an pun avangin leh COVID-19 do kawnga thawktu ten chak leh mumal zawka hma an lak theihna turin mipui punkhawm leh chet vel chungchangah inkaihhruaina thar Chief minister pawmpuinain Mizoram sawrkar chuan a siam a, Mizoram chhunga hman tur INKHUAHKHIRHNA THUPEK mi zawng zawng zawm tur a chhuah a ni.




He thupek hian April 20, Thawhlehni zing dar 04:00 atanga April 26, Thawhṭanni zing dar 04:00 thleng a huam dawn a, hei hian COVID-19 chungchanga inkaihhruaina Order hmasa zawng zawng a luahlan (supersede) dawn bawk a ni.
Aizawl Municipality Area-ah leh District headquarters-ah te;
• Hemi inkhuahkhirhna hun chhung hian tumahin mahni in/ compound an chhuahsan tur a ni lo.
• lirthei veivah khap tlat a ni.

• Public park, picnic spot, movie theatre, gym, community hall, restaurant, shopping complex, mall leh intawllenna hmun zawng zawng chu khar tur a ni.
• Zirna in leh Sakhaw biakna hmun te chu khar vek a ni ang.
• Board Exam, All India level Exam te leh recruitment exam kal lai mekte erawh chu phalsak an ni.
• Inneihna leh reception-ah mi 30 (sawmthum) aia tam punkhawm
phal a ni lo.
• Mitthi vuina ah mi 30 (sawmthum) aia tam punkhawm phal a ni
lo.
• Chhiatni/thatni puipunna-ah ei leh in sem/siam phal a ni lo.

• Hmunkhata mipui pungkhawm tur venna'n bazarpuia thlai leh thildang zawrh chu khap a ni. Chutihrualin, mipui mimirin awlsam taka thlai leh chawhmeh an hmuh theih nan veng hrang hrangah leh hmun tam zawk ah chawhmeh lei theihna tur LLTF/VLTF ten ruahmanna an siam ang

• Mizoram chhungah zin veivah phal a ni.
• An chhuah tanna veng VLTF/LLTF te lehkha kengin an zin veivak thei ang. Chu lehkhaah chuan an kal tanna (origin) leh zinna/kalna tur hmun (destination), ni leh darkar te a chuang tur a ni.


Inkhuahkhirhna kimchang PDF  HETAH a awm e.

Post a Comment

0 Comments