Kawlkulh dai-ah Car chesual; mi pahnihin nunna chan!

Aizawl | April 1, 2021: Tukin zing dar 2 vel khan Car i20 MZ 04 /8988 chu chesualin mi pahnihin nunna an chan niin thudawnna chuan a tarlang.

Thudawnnain a tarlan danin, an chetsualna hi Daplei, Tuichang lui pelh, Kawlkulh lamah a ni a,  mi pathum; Lalthanfela 28yrs S/o C. Keiliana Vengthlang North Champhai, H Lalramhluna S/o H.  Lalhmingzauva,  Electric Veng,  Champhai Advocate, MZP Champhai Hqrs President leh YMA Electric veng branch secretary ni lai mek,  leh Zirsangliana Paite (Associate Professor, Champhai Collage) te an ni a.

Lalthanfela hi motor atanga vak chhuakin motor dang rawn tlan ten an hmu a,  midang pahnih erawh motorin a delh a, an zinga Zualko thanfela hi Khawzawl Damdawiin panpui niin ani hi chu ngaihtuahawm lutuk ani lo,  a biak theih viau a,  mahse an accident lai hian a muhil a,  an chetsual chhan a hrelo a ni.

Midang pahnih motor-in a delh beh H Lalramhluna leh Zirsangliana te hi an boral a, Khawzawl Damdawi lnah postmortem an nih hnu-in an khua-ah an ruang phurh a ni.

Tuichang bul Daplui, Puilo leh Kawlkulh inrina kawrah i20 Car MZ 04-8988 chu a accident a. Mi pathum chuangin mi pahnih an boral. Mitthite hi Pu H.Lalramhluna (31) s/o Hmingthanzaua Electric Veng Champhai leh Pu Zirsangliana Paite (50) s/o Piangkhama Champhai Vengthlang North an ni a. Tunah hian Tv.Thanfela (30) s/o Keiliana Champhai Vengthlang North chu Khawzawl Damdawi Inah enkawl mek a ni. Motor neitu hi Pu Zirsangliana Paite ta niin aman a khalh a ni.

Motor Accident hi YMA Sub-Headquartrs Khawzawl leh Disasters Mangement Sub-Committee te hmalaknain theih ang angin an buaipui a ni.

Valpui kan ui che!

- Hmaa Hauzel, Editor, MZP Chanchinbu

Van remruat a rawng lua e,

An dawn kim lo kan chan,

Lungduh thlafam banin a kai,

Par mawi vullai an thliak a,

Uai a chulin par lai a chuai,

I liamsan hmun ruak a zau lua e.

Kan dawn kira hlim lai,

A tawi lua e, a rei lo lua em e!

Ngaiin kan au, chhawntu awm lo,

Uaia chul mai a'n kan phal lo che,

I hlimthla leng mai maw?

Chhawl ang min ṭhuai tak le?

Eng a'n rih sang zamual i liam?

H Lalramhluna (Valpuia) hi MZP Headquarters, Champhai president ni lai a nih avangin MZP general headquarters chuan sunna thu an tichhuak nghal a ni.