Hri leng vangin Sailutar Presbyterian kohhran crusade titawp lailawk!

Aizawl | April 22, 2021: Sailutar presbyterian kohhranin James Lalramliana ruaia crusade an buatsaih chu sorkar inkaihhruaina zawma titawp tura ngen an nih hnuah an tawpsan loh avang leh nizanah biak in-a awmkhawm an la awm avangin police ten titawp turin an ngen leh a, crusade chu tihtawp lailawk a ni.

James Lalramliana rawngbawlna hian sawi  a hlawh hle a, COVID-19 vei chunga Sailutar kal a, dam ta nia insawi an awm bakah, a video hi a viral nasa hle a. Hemi bakah hian, Nizan lama an boruak leh video thenkhat pawh a darh nasa hle a ni.

Hripui laka mipui him zawkna atan sawrkar chuan Thawhlehni zing atang khan inkaihhruaina thar hmangin, kar khat chhung Mizoram hmun hrang hrangah khirh zawka inkaihhruaina kalpui a ni.

He inkaihhruaina ang hi chuan Mipui pawn chhuah phal loh  a ni a, Sakhaw biakin leh Zirna in pawh khar vek a ni.

Post a Comment

0 Comments