Hmun hrang hrangah ram kang - UPDATE

Aizawl | April 26, 2021: Nimin piah atang khan Mizoram hmun hrang hrangah kangmei chhuakin ram a kang nasa hle a. Nimin lamah thelh tumin hmun tam takah an buai a. Vawiin thleng pawhin hmun hrang hrangah kang thelh hian an la buai a ni.


1:00PM:
# Lawngtlai district: Cheural, Sangau leh Lungtian vela ram kang chu hmun thenkhatah a la kang mek nia thu dawn a ni. Nizan lam khan Phawngpui tlang bulthut vel kang chu an thelh mit tawh

# Serchhip-ah nimin lama ram kang thelh zawh tawh hnuin vawiin chawhm atang khan Thenzawl road lamah ram a kang leh a, thelh mih tumin thalai an thawkchhuak leh a, an la buai hle a ni.
Kangthelh motor nen, thalai rual nen an thawk nasa hle a ni.




# Lunglei lam pawh ram kang mit lo a la tam a, Thlawhna hmanga thelh mih dan tur buaipui mek a ni.
#Mamit district chhung-ah pawh hmun thenkhatah ram kang a awm mek nia thu dawn a ni.

1:30 PM:
# Lunglei Rahsi veng mawng vawiina ram kang chu hal luih nia hriat a ni a, a haltu pawh a bul huana khanghu lo mekin a hmu niin thudawn a ni.




1:40 PM: 
# Aizawl - Rangvamual ah pawh ram kang a awm a, Kangthelhtu lamin a hmunah an buaipui tawh nia thu dawn a ni a. Pawi thui a kang em tih chanchin ngaihchan mek a ni.


1:50 PM:
# Lunglei - Kang thelh hna thawk tak tak turin IAF thlawhna a inbuatsaih mek.

2: 00 PM:
#Lunglei: Zotlang kham, kang reh hleitheilo a phuh hmasa anga, chumi hnuah Serkawn, Bazar veng, College veng, Venghlun phuh lehin chumi hnuah Venglai, Chanmari, Ramthar leh Lunglawn kham a phuh leh dawn niin thu dawn a ni.

2:10 PM:
#Lawngtlai district: Tun dinhmun-ah chuan Cheural khua chu meiin min hual a ni deuh ber e. Mahse, Ngaihtuah awm erawh kan ni love. Mipui 200 chuangin kan buaipui mek e. - Cheural YLA president

* Sangau leh S Vanlaiphai inkara awm, Lungcheh tlang chu km 8 bial vel a kang mek. Tin, Sangau Leh Tuipui inkar 10km bial vel a kang mek bawk a. Kan thelh mit tep e. - Sangau YLA Secretary




2: 20 PM:
# Lawngtlai district:
Cheural leh Sangau atangin, "tun dinhmunah chuan ngaihtuah awm kan ni love...Khua venhim nam theihtawp chhuahin meikawng kan sial mek,"tiin EXPLOREMIZORAM.COM chuan thu a dawng.


2:30 PM:
# Hnahthial district: South Vanlaiphai ram kang pawh nimin atanga intan tawh kha vawiin thlengin a la mit hleithei lo. 

Ram kang hian khua a hnaih avangin, khaw chhung a himna atan khaw chhung mi thawkchhuak thei apiang hnatlangin an thawk.
Hmeichhia - nu leh nula pawhin mei kawng sial leh phiatfaiin an thawk nasa hle a ni. (A hnuaiah hian thlalak kan dah e. Thlalak lo thawntu Remremi Khawlhring chungah kan lawm e.)







2:50 PM:
South Vanlaiphai leh Sangau inkar ram kang hi a nasa hle a, thelh hlei thei lovin a chang chuan mihring nunna chan hlauhawm khawpa a awm avangin kiansan leh rih thin a ni.

khawi lam lam pawh a theih theih an thawk chhuak a, hmeichhia pawhin an tih theih tawk tiin an thawk vek mai niin thu dawn a ni.

Tunah pawh hian a la kang  vut vut mai niin South Vanlaiphai lam atang leh Sangau lam atangin thu dawn a ni.


Video:

3:30 PM:
#LUNGLEI: Tui chawia ram kang lai thelh turin thlawhna a thlawk tan tawh niin thu dawn a ni.
Thlawhna hmang hian Lunglei leh a chhehvela kang chhuahna te thelh mih vek tum  ani.

Mipuiin thlawhna che lai hmuh chakin an thlir thap.



6:00 Pm:
IAF helicopter Mi-17V5 pahnih tui litre 3500 dawng bambi bucket hmang ten vawiin tlai khan Lunglei Zotlang ram kang thelhin, vawihnih tuia an phuh hnuah an chawlhsan rih.

A ṭul thulha che chhuak leh thei turin IAF mi 8 ten Lungleiah chamchilh a, a ṭul chuan naktuk lamah kang thelh hna an chhunzawm leh dawn a ni.


6:30 PM:
Siaha district chhunga mi Saikao (serkawr) khua ah ram kang a la nasa hle. He ram kang hi nimin atanga intan tawh niin, an thelh mit hlei thei lo a ni.Thudawnnain a tarlan danin, ram kang hian khua a hnaih hle a, khaw chhunga in a kang mai ang tih a hlauhawm hle a ni.





7:00PM:
Hnahthial district chhunga mi, South Vanlaiphai lam pawh a la alh chak vut vut hle a, Khua a hnaih si a, in kangin chhiatna nasa zawk a thlen mai a hlauhawm hle a ni.
Thalai leh thawk thei chuan an khua a kan kai loh nan an veng leh niin thu dawn a ni.


8:50 PM:
South Vanlaiphai lam an la buai hle.
Tun thleng hian Kan la in thelh reng a, kan thelh mit tawh na lam ah alo chhuak leh zel a, ngaih țha a kan kalsan tawh lam ah poh alo chhuak leh zel sia, tlaivara ven kan ngai maithei. Khawchhung lo lut tur ven him hi tuna kan tum ber chu ni toh mai. Abak khaw hnaih deuh kan ram chu akang zo vek toh ni mai. Ngaih tha in awm theih tlatloh. Hmun hrang² ah ani sia kan tlan kual rengmai. Khawpum mipa ho leh nula ho in.




......


News & Thlalak thawnna +919402125273

Post a Comment

He post chungchanga i ngaihdan lo sawi ve rawh:

Previous Post Next Post