COVID-19: Kumina hri vei hmuhchhuah hnem ber niin 36 hmuchhuak; Hri vei enkawl lai 93 awm mek!

 

Aizawl | April 9, 2021: Kumin chhunga hri vei hmuhchhuah tam ber thlengin nimin khan Mizoram-ah COVID-19 positive 36 hmuh a ni. Hri vei hmuhchuahte hi Rapid Antigen test positive atangin  33, TrueNAT atangin 2 leh ZMC RT-PCR atangin 1 te an ni.

Tun dinhmun-ah Mizoram-a hri vei hmuhchhuah tawh zawng zawng hi 4558 niin, dam tawh 4454 an ni a, enkawl lai 93 awmin, nunna chan 11 an ni.

hri vei hmuhchhuah tawh zingah hian Mipa 3304 niin, Hmeichhia hi 1254 an ni thung.

AIzawl district-ah hri vei enkawl lai tam berin 62 an awm a, Kolasib district-in dawtin 18 an awm a, Champhai-ah 6, Hnahthial-ah 3, Lunglei-ah 2 leh Serchhip leh Mamit-ah 1 ve ve an awm a ni.

ZMC RT-PCR positive

Aizawl district

➡️Hunthar : Mipa kum 40, 1/4/2021 a Delhi atanga lo thleng, thlawhtheihnaa a chuanpui positive a awm avanga home quarantine lai mek, symptom nei lo.

TrueNAT positive

Lunglei district

➡️Zotlang, Lunglei: Hmeichhia kum 23, Pune-a lehkha zir lo haw, thlawhtheihna chuanpui a positive vanga quarantine lai, symptom nei lo.

➡️Lunglawn, Lunglei: Hmeichhia kum 23, Pune-a lehkha zir lo haw, thlawhtheihna chuanpui a positive vanga quarantine lai, symptom nei lo.

RAgT Positive

Aizawl district

➡️Lengpui Airport Screening point (4):

🔸Luangmual, Aizawl : Hmeichhia kum 26, New Delhi atanga lo haw, symptom nei.

🔸Lunglei : Hmeichhia kum 53, cancer natna vei, Guwahati atanga lo haw, symptom nei lo.

🔸ITI Veng : Hmeichhia kum 24, Delhi a lehkha zir lo haw, symptom nei lo.

🔸Sihhmui : Hmeichhia kum 28, Goa a hnathawk a awm lo haw, symptom nei lo.

➡️Aizawl khawchhunga hmuhchhuahte (12) :

🔸Bawngkawn South : Mipa 2 (kum 6 & 13), Lucknow atanga lo haw, symptom neih vanga Bawngkawn kiosk a sample test.

🔸Chawlhmun : Unau (Mipa kum 16 & Hmeichhia kum 22). A upa zawk Mumbai atanga lo haw, a lo haw hnu a an pahniha symptom an neih avanga Chawlhmun kiosk a sample test.

🔸Dam Veng : Chhungkaw khata cheng mi 6, Mipa 1 leh Hmeichhia 5 (Kum 6-57), symptom an neih vek avanga Private Hospital pakhata in test, hri an kaina chhui mek.

🔸Kanan : Hmeichhia kum 22, private hostel-a awm, symptom neih vanga Private Hospital-a test, hri a kaina chhui mek.

🔸Chhinga Veng : Hmeichhia kum 23, Hostel-a awmpui positive nen an in contact avanga test, symptom nei.

Champhai district

➡️Champhai Vengthlang : Mipa 2 & Hmeichhia 2 (kum 3-42) chhungkhata cheng, symptom nei vek, hri an kaina chhui mek.

Kolasib district

➡️Vairengte Screening Point : Mizoram Police mipa 12 (kum 23-60) Assam inthlanpuia duty lo haw, symptom nei lo vek.

Serchhip district

➡️Serchhip Chhim Veng : Mipa kum 21, 5/4/2021-a Hyderabad atanga lo haw, RT-PCR test Negative certificate a neih vanga Lengpui Airport-a RAgT test loh, a hnuah symptom a neih avanga test nawn.