Aizawl | April 30, 2021: Health minister Dr R Lalthangliana hova vawiina hri leng chungchanga thukhawmin inkhuahkhirhna kallai a tawp hnuah chawlhkar khat dang khauh leh zuala inkhuahkhirh a remti.
Inkaihhruaina dan chungchanga Hma la zui turin state disaster management authority hnuaia state executive committee (SEC) kutah a dah niin The Zozam Times chuan twitter ah an tarlang.
Health minister Dr R Lalthangliana hova vawiina hri leng chungchanga thukhawmin inkhuahkhirhna kallai a tawp hnuah chawlhkar khat dang khauh leh zuala inkhuahkhirh a remti a. Hma la zui turin state disaster management authority hnuaia state executive committee (SEC) kutah a dah.
— The Zozam Times (@thezozamtimes) April 30, 2021
Tuna Inkhuahkhirhna kal mek hi May 3-ah a tawp dawn a ni.
Hemi chungchang hi Larsap Sreedharan Pillai-a'n health minister, MKHC, jt NGO leh ex-services league aiawhte a kawmnaah health minister chuan inkhuahkhirhna khauh zawka ni 7 dang kalpui tum a nih thu leh CM pawhin tha a tih thu sawiin, vawiina state level meeting-ah thutlukna siam a nih tur thu a lo sawi tawh bawk a ni.
Hri leng laka invennan leh hri darh zel tur pawhchah nan he inkhuahkhirhna hi April 21 zing dar 4 atang khan kalpui tawh niin, April 26 zing dar li thleng tura tih phawt a ni a. Mahse, April 26 atang khan May 3 thleng pawhsei leh a ni.
Tunah hian pawhsei a nih leh chuan May 10 chu a thleng chho tura ngaih a ni.
Post a Comment
He post chungchanga i ngaihdan lo sawi ve rawh: