COVID-19: Hripui vangin mipa pahnih boral; Mizoram-a hripui vanga boral 15 tling tawh!

Aizawl |  April 30, 2021: Vanduaithlak takin tukin khan Hripui vangin mipa pahnih an boral.

Thlalak hi Mizoram a ni lo. News hrilhfiah theitu tura dah mai a ni.

Sawrkar thuchhuakin a tarlan danin, vanduaithlak takin Pu J Sapzinga, kum 82, Champhai Rahsi veng chu tukin dar 5.45 AM khan COVID19 kaihhnawih Pneumonia avangin ZMC-ah a boral.
Tin, ani bakah hian vanduaithlak takin Pu Lalthlamuanzuala, kum 47, Armed Veng South chu COVID19 avangin tukin zing dar 9:20 khan ZMC ah a boral.
COVID-19 hri a kai tih hi April 23 khan hriat chhuah niin BSUP CCC ah dah nghal a ni a. April 24 khan ZMC ah sawn phei a ni.

Heti hian Hripui vanga Mizoram chhunga boral hi mi 15 an tling tawh a ni.

Post a Comment

0 Comments