Reiek tlang kang thelh mih theih a la ni lo!

Aizawl | March 27, 2021: Reiek tlang kang chuan ni thum a ral hnu-ah pawh vawiin thleng khan tawp zai a la rel thei lova, kangmei thelh mih tuma an beihna lamah a chhehvel khuaa mipui an hah tawh hle.

Reiek tlang kang | Opa Chenkual

Kang thelh-a thawk zingah hian Reiek tlang chhehvel khaw danga thalai leh paho an tel a, a bikin Reiek leh Ailawng te chu an hah tawh hle nia thu dawn a ni.

Reiek tlang | Roluahpuii

Mizoram tlang hmingthang kang mek chhan tur hian Aizawl thalai tam tak hi thawhchhuah a hun tawh em? A mawina par tlan tura kal ringawt lovin a humhim tur pawh hian thawhchhuah ve a hun tawh lo maw?


Reiek tlang kang hi, he thu ziah lai March 27, 2011 10:40 AM pawh hian a la kang nasa hle a, ngaw chhung lut nasa tur chu hnatlanga thawkin dan tumin an bei a, hnatlanga thawkte tan khawlum nen a hahthlakin an chau hle ang tih a rinawm.


Thudawn danin kangmei hi March 24 chawhma dar 10 vel atang khan Lungdar leh Reiek ram inrina bul, W.Lungdar ram lam atangin a intan a, Reiek leh Ailawng mipuiten thelh tuma theihtawp an chhuah chungin an thelh thei lo. Tunah chuan Ngai tlang lam chu a kang kawng mul tawh a ni.

Ground Report: Roluahpuii



Kangmei hi khamah chhuk zawngin a kal zel a, Reiek khua chuan Reiek tlang ngaw pui "Zo thei huan" leh  Ailawng khawtlang tlawmngaite pawhin nauban hmun "Orchid Park" ven him hna an thawk. Hmun thenkhatah chuan mei hi meikawng sial mahse, a nasat chang chuan a khum zel a, hmun thenkhatah chuan an hal khalh a ni.



Mizoram tlang hmingthang leh lar kang mek hi a pawi takzet a, thalaite tana tlawh hlawh leh lenthawvenna nuam tak a nih bakah khualzinmite'n an tlawh nasat em em a ni.








[A chunga thlalakte  hi Roluahpuii lak niin, vawiina a Reiek tlang dinhmun a ni. A hnuaia thlalakte hi hi social media-a darhte kan han dah a ni. Heng thlalak hlu tak takte hi EXPLORE MIZORAM chuan neitu nihna a nei lova, thlalatu zahawm tak tak, an hun hlu tak thlalak hlu tak lak nana hantute ta a ni.]
















Post a Comment

He post chungchanga i ngaihdan lo sawi ve rawh:

Previous Post Next Post