PZP RISING DAY cum LEADERSHIP TRAINING HMANG

Aizawl | March 10, 2021: PZP Rising Day vawi 37-na cum Leadership Training chu nimin khân Multipurpose Hall, Vaṭhuampui-ah ropui takin an hmang a, he hunah hian Pu F. VL. Hmingmuanpuia, Additional Programme Officer Bungtlang South RD Block chu Khuallian niin a hmanpui a. He hun hi Lalṭhazuala, Treasurer PZP General Headquarters chuan kaihruaiin, Pu. Lalhmingliana, Adviser-in hunserh a hmang a, Logos Lalnunhima,  Asst. General Secretary hnên aṭângin inhmêlhriattirna hun hman a ni bawk.

He hun hmanpuitu Khuallian Pu. F. VL. Hmingmuanpuia chuan thusawiin, “Pangfa zirlaite kan zirna kawngah taimâkna kan neih a ngai a, hlawhtling tûr chuan taima taka kan zir a ngai a ni,” a ti a. Khuallian chuan sawi chhunzawm zêlin zirlaite chu faina kawngah te, thawhrimna kawngah te, tumruhna leh huaisenna kawngah te ṭan kan lâka hma kan sâwn a ngaih thu te sawiin, mahni hnam zahpui lo tûrin zirlai kal khâwmte chu a chah a. Zirlaite chu beidawng lo a zirh sauh sauh tûra fuihin, beihdawnna ina a hneh ngai lo te hi mi hlawhtling an ni ṭhin a ti bawk.

Vanbiakliana, President Pang Zirlai Pawl General Headquarters chuan, PZP Rising Day vawi 37-na an hmang thei chu lawmawm a tih thu a sawi a, Pangfa zirlaite chu an zirnaah taima taka zir tûrin a chah a, khawiah pawh awm se an hnam ṭawng, hnam lam leh hnam incheinate chu vawng nung tlat tûra chahin, zirna hi Pang hnam damna tûr leh hnam dinchhuahna kawng awmchhun a ni tih hria a, taima tak a zir tûrin zirlai te a chah bawk a ni.

Pu Lalramliana, Senior Adviser chu Resource Person niin Leadership Training-na hun a hmanpui bawk. 

He hunah hian PZP Cultural Troupe  leh PZP Vaṭhuampui Unit aṭângin Pang hnam Lam hmuhnawm tak tak en ho a ni a, zaithiam zai mawi tak ngaihthlâk a ni bawk. He hun hmannaah hian Vaṭhuampui Khawtlang nu leh pa, NGO hrang hrang leh Zirlai naupang thahnem tak an tel a ni.

Post a Comment

He post chungchanga i ngaihdan lo sawi ve rawh:

Previous Post Next Post